ಹೂವು ಹೂವಿಗೆ ಚಿಗುರು ಚಿಗುರಿಗೆ
ಪ್ರೀತಿ ಚುಂಬನ ನೀಡುವೆ
ದೇವ ಗಂಗಾಧರನ ಗಾಯನ
ಹಾಡಿ ಹರುಷದಿ ಕುಣಿಯುವೆ
ಗಾಳಿ ಬೀಸಲಿ ಚಳಿಯು ಚಿಮ್ಮಲಿ
ಹಸಿರ ಉಡುಗರೆ ತೊಡಿಸುವೆ
ಬಿಸಿಲು ಕೆಂಡದ ಮಳೆಯ ಸುರಿಸಲಿ
ಪ್ರೀತಿ ಕೊಡೆಯನು ಹಿಡಿಯುವೆ
ಸುತ್ತಮುತ್ತ ಹಸಿರು ಹೂವು
ನಗುವ ನಂದನ ಬೆಳೆಸುವೆ
ಕಡಲು ಆಚೆಗೆ ಶಿಖರ ಈಚೆಗೆ
ಪ್ರೇಮ ಮಂಚವ ತೂಗುವೆ
ಹಕ್ಕಿ ಕೊರಳಿನ ಜೇನು ತುಪ್ಪವ
ನಾನು ಮೆಲ್ಲನೆ ಸವಿಯುವೆ
ಮುಗಿಲ ಸಿಡಿಲಿಗೆ ಮೇಘ ಜಲವನು
ಸುರಿದು ಕುಲುಕುಲು ನಗಿಸುವೆ
*****