ಹಾರೆಲೆ ಹಕ್ಕಿ

ಹಾರು ಹಾರೆಲೆ ಚೆಲುವಕ್ಕಿ
ಹಾರು, ಬದುಕಿನ ದಿನಗಳ….. ಮರೆತು

ಮುಗಿದಿತು ಕಾಲವು ಚೆಲುವಿನ ಕ್ಷಣಗಳ
ಮಾಗಿಹ ಮಾವಿನ ಕೊಂಬೆಗಳ,
ಊರಿಂದೂರಿಗೆ ಅಲೆಯುವ ಬವಣೆಯ
ಅರಿಯಲು ಜೀವನ ಸೆಳಕುಗಳ

ಹೆರವರ ಊರಿದು ತಿಳಿಯೆಲೆ ಹಕ್ಕಿಯೆ!
ಎರವಿನ ಬಾಳಿದು ತಾಸುಗಳ……
ಚಿರಕಾಲವು ಇರಲಾಗದು ತಿರೆಯೊಳು
ಅರೆ ತಾಸಿದು ಕನಸುಗಳ….

ಕಾಳು ಕಡ್ಡಿಗಳ ಹೆಕ್ಕಿ, ತನುವನು ಬಲುಮೆಗೆ ಇಕ್ಕಿ
ಮಳೆಯಲಿ ತೊಯ್ದು ತಾಪದಿ ತವೆದು ತಂಗಲು ಗೂಡನುಹೊಕ್ಕಿ
ದುಃಖಿಸದಿರು ಬಹುಪರಿ ನಿಜದುಡಿಮೆಯು
ದಕ್ಕದ ವಿಷಯಕೆ ಮಿಡುಕಿ…..
ಹಕ್ಕಿಯೆ ಪಯಣವು ಮಿಕ್ಕಿದಕ್ಕಿಂತ
ತಕ್ಕುದು ಗೆಲುವಿನ ಹಕ್ಕಿ…….ಹಾರು……

ಮರೆ ಆ ತಂಬೆಲರ, ಹಾರಿಕೆ ಕೊಂಬೆ ಕೊಂಬೆ .
ಧರೆಯನು ಕೊರೆವುದು ಮರೆಯುವ ಜೀವನಗೊಂಬೆ,
ಸುಖದ ಕನಸನು ಒಡೆವುದು ನಗೆಯಲಿ
ನಿರ್ದಯ ಲೋಕಕೆ ಇಂಬೆ
ಬರೆದಿಹ ಬರೆಹವ ಜರೆಯುತ ಬದುಕಿದೆ
ಹೊರೆಯಿದು ಬದುಕಿನ ನಾನೆಂಬೆ

ಅಳುತಿಹೆ ಉಳಿದಿಹ ಪಕ್ಕಿಗಳು ಕೂಡಿಯೆ ಆಡಿಹ ನಿನ್ನ
ಬಾಳುವ ಭರದಲಿ ಒಟ್ಟಿಲಿ ಕಟ್ಟಿದ…..ಕನಸದು ಬಣ್ಣ-ಬಣ್ಣ
ಅಂದನು ಮರೆಯುತ ಇಂದನು ನೆನೆಯುತ
ಕಂದಿಹ ಮುಖದಲಿ ತಿಳಿವನು ಬರಿಸುತ
ಅಂದದಿ….ಚಂದದಿ ಅದುರುವ ಅಧರದಿ
ಇಂದೆಯೆ ಮುಂದಕೆ ಮುಂದಕೆ ಹಾರು ……
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಬೆಳಕಾಗಿ ಬಂತು
Next post ಬಲ್ಲಿರಾ ನೀವ್ ತಿಪ್ಪೇಶನ ಮಹಿಮೆಯನು?

ಸಣ್ಣ ಕತೆ

  • ಕಳಕೊಂಡವನು

    ಸುಮಾರು ಒಂದು ಗಂಟೆಯ ಪಯಣದಿಂದ ಸುಸ್ತಾದ ಅವನು ಬಸ್ಸಿನಿಂದ ಇಳಿದು ರಸ್ತೆಯ ಬದಿಗೆ ಬಂದು ನಿಂತು ತನ್ನ ಕೈಗಡಿಯಾರ ದೃಷ್ಟಿಸಿದ. ಮಧ್ಯಾಹ್ನ ಒಂದು ಗಂಟೆ. ಒಮ್ಮೆ ಮುಖ… Read more…

  • ಎರಡು…. ದೃಷ್ಟಿ!

    ದೀಪಾವಳಿಯು ಸಮೀಪಿಸಿದ್ದಿತು. ದೀಪಾವಳಿಯನ್ನು ನಾವು ಪಂಚಾಗ ನೋಡದೆ ತಿಳಿದುಕೊಳ್ಳಬಹುದು. ಅದು ಹೇಗೆ? ದೀಪಾವಳಿ ಪೂರ್ವರಂಗದ ಸುಳಿವು ನಮಗೇ ಗೊತ್ತೇ ಆಗುವದು. ಮನೆಯಲ್ಲಿ ಕರಚೀ ಕಾಯಿ, ಚಿರೋಟಿಗಳನ್ನು ಕರಿಯುವ… Read more…

  • ಜುಡಾಸ್

    "ಪೀಟರ್" "ಪ್ರಭು" "ಇನ್ನು ಮೂರುದಿನ ಮಾತ್ರ, ಪೀಟರ್. ಅನಂತರ...." ಮಾತು ಅರ್ಧಕ್ಕೆ ನಿಂತಿತು. ಯೇಸುಕ್ರಿಸ್ತ ತನ್ನ ಶಿಷ್ಯರೊಂದಿಗೆ ಕಾಲುನಡಿಗೆಯಲ್ಲಿ ಜೆರೂಸಲೆಂ ನಗರಕ್ಕೆ ನಡೆದು ಬರುತ್ತಿದ್ದ. ಹನ್ನೆರಡುಜನ ಶಿಷ್ಯರೂ… Read more…

  • ವರ್ಗಿನೋರು

    ಆಗ್ಲೇ ವಾಟು ವಾಲಿತ್ತು. ಯೆಷ್ಟು ವಾಟು ವಾಲ್ದ್ರೇನು? ಬಳ್ಳಾರಿ ಬಿಸ್ಲೆಂದ್ರೆ ಕೇಳ್ಬೇಕೇ? ನಡೆವ... ದಾರ್ಗೆ ಕೆಂಡ ಸುರ್ದಂಗೆ. ನೆಲಂಭೋ ನೆಲಾ... ಝಣ ಝಣ. ‘ಅಲ್ಗೆ’ ಕಾದಂಗೆ. ಕಾಲಿಟ್ರೆ… Read more…

  • ಜಡ

    ಮಾರಯ್ಯನನ್ನು ಅವನ ಹಳ್ಳಿಯಲ್ಲಿ ಹಲವರು ಹಲವು ಹೆಸರುಗಳಿಂದ ಕರೆಯುತ್ತಿದ್ದರು. ಹಾಗಾಗಿ ಅವನ ನಿಜವಾದ ಪೂರ್ತಿ ಹೆಸರು ಮಾರಯ್ಯನೆಂಬುವುದು ಸಮಯ ಬಂದಾಗ ಅವನಿಗೆ ಒತ್ತಿ ಹೇಳಬೇಕಾಗಿ ಬರುತ್ತಿತ್ತು. ಅಂತಹ… Read more…

cheap jordans|wholesale air max|wholesale jordans|wholesale jewelry|wholesale jerseys