ಪರಿಚಯ

ನನ್ನ ಪರಿಚಯ ಮಾಡಿಕೊಡುವೆ,
ಸಹನೆ ಇದ್ದರೆ ಕೇಳಿ.
ಕಾಲೇಜಿನಲ್ಲಿ ಕಲಿಯುತ್ತಿರುವ
ಬಡ ವಿದ್ಯಾರ್ಥಿ ನಾನು.
ಎಲೆಮರೆಯ ಕಾಯಿಯಂತೆ
ಬದುಕ ಬಯಸುವೆ ನಾನು.

ಕಾಲೇಜಲೆಲ್ಲೆಲ್ಲೂ ಎದ್ದುಕಾಣುವ,
ಚರ್ಚೆ, ಸಮಾರಂಭ, ಸಮ್ಮೇಳನಗಳಲ್ಲಿ
ಭಾಷಣ ಬಿಗಿಯುವ ವಾಗ್ಮಿ ನಾನಲ್ಲ.
ಚುನಾವಣೆಗಳಲ್ಲಿ ಗೆಲ್ಲುವ,
ನಾಟಕ, ಗಾಯನ, ಎನ್ಸೀಸಿ, ಸ್ಪೋರ್‍ಟ್ಸ್
ಎಲ್ಲೆಡೆ ಮಿಂಚುವ ಪ್ರತಿಭಾವಂತ ನಾನಲ್ಲ.

ಮಾತಿನಿಂದೆಲ್ಲರ ಮೋಡಿ ಮಾಡುವ,
ನವೀನ ಉಡುಪುಗಳಿಂದೆಲ್ಲರ ಸೆಳೆದು
ಕಂಡ ಬಣ್ಣದ ಚಿಟ್ಟೆಗಳ ಹಿಂದೆ ಓಡುವ
ನೀರಿನಂತೆ ಹಣವ ಸುರಿದು
ಜೀವನದ ಸುಖ ಜೇನ ಸವಿಯುವ
ಜವಾಬ್ದಾರಿರಹಿತನು ನಾನಲ್ಲ.

ಸದಾ ಕಾಲ ಓದಿ ರ್‍ಯಾಂಕ್‌ಗಳಿಸುವ
ಪುಸ್ತಕದ ಹುಳ ನಾನಲ್ಲದಿದ್ದರೂ
ಜವಾಬ್ದಾರಿಯನರಿತು ಓದುವೆ,
ನನ್ನ ಕೈಲಾದಷ್ಟೂ ಗುರು ಹಿರಿಯರ,
ದೀನ ದರಿದ್ರರ ಅನಾಥ ಅಸಹಾಯಕರ
ಸೇವೆಯಲ್ಲಿ ಕಾಲ ಕಳೆಯುವೆ.

ಪೂಜ್ಯ ತಂದೆ ತಾಯಿಯರ ಆರೈಕೆಯಲ್ಲಿ
ಪ್ರಚಾರ ರಹಿತ ಸರಳ ಜೀವನದಲ್ಲಿ
ಪರೋಪಕಾರ ಮಾಡುವುದರಲ್ಲಿ
ದೇವರ ಕಾಣಲು ಯತ್ನಿಸುವೆ.
ದ್ವೇಷಿಸುವವರನ್ನೂ ಪ್ರೀತಿಸುವೆ
ನಿಜ ಸ್ನೇಹಕೆ ಮಣಿದು ನ್ಯಾಯದಿ ನಡೆವೆ.
*****
೧೨-೦೪-೧೯೭೬

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಸಿಂಹಾಸನ ಮೀರಿದ ಸಂವೇದನೆ ನಾಲ್ವಡಿ ಕೃಷ್ಣರಾಜ ಒಡೆಯರ್
Next post ಬಾಂಧವ್ಯ

ಸಣ್ಣ ಕತೆ

  • ಧರ್ಮಸಂಸ್ಥಾಪನಾರ್ಥಾಯ

    ಕಪಿಲಳ್ಳಿಯ ಏಕೈಕ ಸಂರಕ್ಷಕ ಕಪಿಲೇಶ್ವರನ ವಾರ್ಷಿಕ ರಥೋತ್ಸವದ ಮುನ್ನಾದಿನ ಧಾರ್ಮಿಕ ಪ್ರವಚನವೊಂದನ್ನು ಏರ್ಪಡಿಸಲೇಬೇಕೆಂದೂ, ಇಲ್ಲದಿದ್ದರೆ ಜಾತ್ರಾ ಮಹೋತ್ಸವಕ್ಕೆ ತನ್ನ ಸಪೋರ್ಟು ಮತ್ತು ಕೋ-ಆಪರೇಶನ್ನು ಬಿಲ್ಲು ಕುಲ್ಲು ಸಿಗಲಾರದೆಂದೂ,… Read more…

  • ಒಂದು ಹಿಡಿ ಪ್ರೀತಿ

    ತೆಂಗಿನ ತೋಟದಲ್ಲಿ ಬಾಗಿಕೊಂಡು ಹಣ್ಣಾಗಿ ಉದುರಿದ ಅಡಕೆಗಳನ್ನು ಒಂದೊಂದಾಗಿ ಹೆಕ್ಕಿ, ಸನಿಹದಲ್ಲಿದ್ದ ಪ್ಲಾಸ್ಟಿಕ್ ಚೀಲಕ್ಕೆ ತುಂಬಿಸುತ್ತಿದ್ದಂತೆ ಪಕ್ಕದಲ್ಲಿ ಸರಕ್ಕನೆ ಹರಿದು ಹೋದ ಕೇರೆ ಹಾವಿನಿಂದಾಗಿ ಒಮ್ಮೆ ವಿಚಲಿತರಾದರು… Read more…

  • ಬಲಿ

    ಅವಳು ಭಾಗಶಃ ಚಟ್ಟೆಯಾದ ಕಪ್ಪು ಬಣ್ಣಕ್ಕೆ ತಿರುಗಿದ ಅಲ್ಯೂಮೀನಿಯಂ ತಟ್ಟೆಯೊಳಗೆ ಸ್ವಲ್ಪ ಹಾಲು ಸುರಿದು ಅದಕ್ಕೆ ಸ್ವಲ್ಪ ನೀರನ್ನು ಬೆರೆಸಿ, ಒಲೆಯ ಮೇಲಿಟ್ಟು ಮುಚ್ಚಳ ಮುಚ್ಚಿದಳು. ಒಲೆಯ… Read more…

  • ಎರಡು…. ದೃಷ್ಟಿ!

    ದೀಪಾವಳಿಯು ಸಮೀಪಿಸಿದ್ದಿತು. ದೀಪಾವಳಿಯನ್ನು ನಾವು ಪಂಚಾಗ ನೋಡದೆ ತಿಳಿದುಕೊಳ್ಳಬಹುದು. ಅದು ಹೇಗೆ? ದೀಪಾವಳಿ ಪೂರ್ವರಂಗದ ಸುಳಿವು ನಮಗೇ ಗೊತ್ತೇ ಆಗುವದು. ಮನೆಯಲ್ಲಿ ಕರಚೀ ಕಾಯಿ, ಚಿರೋಟಿಗಳನ್ನು ಕರಿಯುವ… Read more…

  • ಅಮ್ಮ

    ‘ಅಮ್ಮನ್ಗೆ ಯಿಡೀ ರಾತ್ರೆಲ್ಲ ವಾಂತಿ ಭೇದಿ ವುಬ್ಸ ಆಯಾಸ... ಕುತ್ರೂಸಾ... ಬಾಳಾ ಯೆಚ್ಕುಡ್ಮೆಯಾಗಿ ರಾಮ್ಪಾರ್ದ ಡಾಕಿಟ್ರಾತ್ರ ತೋರ್ಸಿದ್ರು ಗುಣಾಗಿಲ್ಲ! ನೀ ಆದಷ್ಟು ಗಡಾನೇ ವೂರ್ಗೆ ಬಾಣ್ಣ...’ ಸೇಕ್ರಿ,… Read more…