ಚೆಲುವಿನ ನಾಡು ಕರುನಾಡು

ಚೆಲುವಿನ ನಾಡು ಕರುನಾಡು-ಹೊಯ್
ಅದರೊಳಗೊಂದು ಒಳನಾಡು
ಅದನು ಕರೆವರು ತುಳುನಾಡು-ಅದ
ಕಣ್ಣನು ತುಂಬಿಸಿ ಪದ ಹಾಡು /ಪ//

ಪಶ್ಚಿಮ ಸಾಗರ ತೀರದಲಿ-ತುಸು
ಪಕ್ಕದ ಬೆಟ್ಟದ ಸಾಲಿನಲಿ
ಹಸಿರನು ಹಾಸಿದ ತಾಣದಲಿ-ಗಿಳಿ
ಕಾಜಾಣಗಳು ಹಾಡುವಲಿ
ನಿಂತ ನಾಡದು ತುಳುನಾಡು-ಅದ
ಕಣ್ತುಂಬಿಸಿ ನೀ ಪದ ಹಾಡು

ಮುಗಿಲನು ಮುಟ್ಟಿದ ಶಿಖರಗಳು
ಎಂದೂ ಹರಿಯುವ ಹಳ್ಳಗಳು
ಹಾಡುವ ಬಗೆಬಗೆ ಹಕ್ಕಿಗಳು
ಕುಣಿಯುವ ಸುಂದರ ನವಿಲುಗಳು
ಮೇಳೈಸಿಹ ನೆಲ ತುಳುನಾಡು-ಅದೆ
ವಿಶ್ವದ ನವರಂಗದ ಬೀಡು

ಸಂಸ್ಕೃತಿಗಿಲ್ಲಿ ಹಲ ಬಣ್ಣ
ಸೌಹಾರ್ದತೆಗಿಲ್ಲಿಲ್ಲ ಸುಣ್ಣ
ಇದರ ಭೂಗೋಳ ಸೀಮಿತವು
ಜನರಸ್ತಿತ್ವವು ಅಸೀಮವು
ಇಂಥಹ ನಾಡದು ತುಳುನಾಡು
ಎಲ್ಲೆಡೆ ಸಿಗುವುದು ನೀ ನೋಡು
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಹೃದಯ ವೀಣೆ ಮಿಡಿಯೆ….
Next post ಶ್ರೇಷ್ಠ ಕನಿಷ್ಠ ಪ್ರಶ್ನೆಯೇ… ಅಸಂಗತ

ಸಣ್ಣ ಕತೆ

  • ಆನುಗೋಲು

    ರೈಲು ನಿಲ್ದಾಣದಲ್ಲಿ ನಿಂತಿತು! "ಪೇಪರ! ಡೇಲಿ ಪೇಪರ!........ಟಾಯಿಮ್ಸ, ಫ್ರೀ ಪ್ರೆಸ್, ಸಕಾಳ! ಪ್ಲಾಟ ಫಾರ್ಮ ಮೇಲಿನ ಜನರ ನೂರೆಂಟು ಗದ್ದಲದಲ್ಲಿ ಈ ಧ್ವನಿಯು ಎದ್ದು ಕೇಳಿಸುತ್ತಿತ್ತು. ಹೋಗುವವರ… Read more…

  • ಬಸವನ ನಾಡಿನಲಿ

    ೧೯೯೧ರಲ್ಲಿ ನಾ ವಿಭಾಗೀಯ ಸಾರಿಗೆ ಅಧಿಕಾರಿ ಎಂದು ಬಡ್ತಿ ಹೊಂದಿದೆ! ಇಷ್ಟಕ್ಕೆ ಕೆಲವರು ಹೊಟ್ಟೆ ಉರಿ ಬಿದ್ದರು. ಪ್ರಾಮಾಣಿಕರು, ಶೋಷಿತರು, ವಂಚಿತರು, ಪಾಪದವರು, ಮುಂದೆ ಬರಲಿ ಎಂಬ… Read more…

  • ನಿರೀಕ್ಷೆ

    ಆ ಹಣ್ಣು ಮುದುಕ ಎಲ್ಲಿಂದ ಬರುತ್ತಾನೆ, ಎಲ್ಲಿಗೆ ಹೋಗುತ್ತಾನೆ ಎಂದು ಯಾರಿಗೂ ತಿಳಿಯದು. ಆದರೆ ಎಲ್ಲರೂ ಅವನನ್ನು ಕಲ್ಲು ಬೆಂಚಿನ ಮುದುಕ ಎಂದೇ ಕರೆಯುತ್ತಾರೆ. ಪ್ರೈಮರಿ ಶಾಲೆಯ… Read more…

  • ಮೌನವು ಮುದ್ದಿಗಾಗಿ!

    ಮೋಹನರಾಯರು ರಗ್ಗಿನ ಮಸಕು ತೆಗೆದು ಸುತ್ತಲೂ ನೋಡಲು ಇನ್ನೂ ಎಲ್ಲವೂ ಶಾಂತವಾಗಿಯೇ ಇದ್ದಿತು. ಬೆಳಗಿನ ಜಾವವು ಜಾರಿ, ಸೂರ್ಯನು ಮೇಲಕ್ಕೇರಿದುದು ಅವರಿಗೆ ಅರಿವೇ ಇರಲಿಲ್ಲ. ಅಷ್ಟು ಗಾಢ… Read more…

  • ಕಲಾವಿದ

    "ನನಗದು ಬೇಕಿಲ್ಲ. ಬೇಕಿಲ್ಲ! ಸುಮ್ಮನೆ ಯಾಕೆ ಗೋಳು ಹುಯ್ಯುತ್ತೀಯಮ್ಮಾ?" "ಹೀಗೇ ಎಷ್ಟು ದಿನ ಮನೆಯಲ್ಲೇ ಕುಳಿತಿರುವೆ, ಮಗು?" "ಇಷ್ಟು ದಿನವಿರಲಿಲ್ಲವೇನಮ್ಮ-ಇನ್ನು ಮೇಲೆಯೂ ಹಾಗೆಯೇ, ಹೊರಗಿನ ಪ್ರಪಂಚಕ್ಕಿಂತ ನನ್ನ… Read more…