ಗಂಭೀರತೆ ಮೆರೆಯಲಿ

ಈ ಮನವಾಗದಿರಲಿ ನಿತ್ಯ ಚಂಚಲತೆ
ವೈರಾಗ್ಯದ ಭಾವದಿ ತಾನು ಮೆರೆಯಲಿ
ಹೆಜ್ಜೆ ಹೆಜ್ಜೆಗೂ ಎಲ್ಲವೂ ಮರೆಯಲಿ
ಗಂಭೀರತೆ ಭಾವದಿ ತಾನು ಬೆರೆಯಲಿ

ಮೇಲಿಂದ ಮೇಲೆ ಅಲೆಗಳು ಬಂದಿರಲು
ಸಾಗರ ತಾನು ಭೋರ್ಗರೆಯದು
ನದಿಗಳೆಲ್ಲ ಸಮುದ್ರವ ಸೇರುತ್ತಿರಲು
ಧಿಕ್ಕಾರ ಭಾವದಿ ತಾ ಉಕ್ಕಿ ಹರಿಯದು

ವಿಷಯ ಭೋಗಾಸೆ ಅವರ ಕಾಡಿರಲು
ಸಂತ ಮಹಾಜನ ಮೈಲಿಗೆಯಾಗರು
ಕಷ್ಟಗಳೆ ನಿತ್ಯ ಅವರ ಮಳೆ ಆಗಿರಲು
ಮೌನದಿ ಪಡೆವರು ಭಯ ಭೀತರಾಗರು

ದುಃಖ ಸುಖಗಳೆಲ್ಲ ಬಿಸಿಲ ನೆರಳ ಭ್ರಾಂತಿ
ಹೀಗೆಂದು ಎಲ್ಲವೂ ಸುಲಭವಾಗಿರಲಿ
ಚಂಚಲತೆಯ ತಾಣದಿ ಅಚಲತೆ ತುಂಬಿಕಲಿ
ಮನ ಮಗಿಮಗಿಸುವ ಮಾಣಿಕ್ಯ ವಿಠಲನಾಗಲಿ
*****