ನೀನೇ ನನ್ನ ಕಣ್ಣು
ನೀನಿರದೆ ನಾನು ಕುರುಡು
ನಿನ್ನ ಪ್ರೀತಿ ಮಾತು
ಅದು ಇರದೆ ಬದುಕು ಬರಡು
ನಂಬು ನನ್ನ ನಲ್ಲೆ
ಇಲ್ಲವೆ ಕೊಲ್ಲ್ಲು ಇಲ್ಲೆ /ಪ//
ನಿನ್ನ ಮೊದಲ ನೋಟ
ಕಣ್ಗೆ ಅತ್ಯಪೂರ್ವ
ಅದರ ರೆಪ್ಪೆ ಬಡಿತ
ತಕ್ಷಣ ಪ್ರೇಮ ಪರ್ವ
ಇದು ಎಲ್ಲ ನಿನ್ನಿಂದ
ಆ ಕ್ಷಣವೆ ಜಗವು ಅಂದ
ನೀನು ಇಟ್ಟ ಹೆಜ್ಜೆ
ಅಲ್ಲಿ ಪ್ರೇಮ ಸ್ಮಾರಕ
ನೀನು ಹೋದ ದಿಕ್ಕು
ನನಗಿನ್ಯಾವ ದಿಕ್ಕು
ಹೇಳೆ ನನ್ನ ಒಲವೆ
ನೀನಿರದೆ ಯಾವ ಬಲವೆ?
ದಾರಿ ಕಾಯುತಿರುವೆ
ನೀ ಹೋದ ದಿಕ್ಕಿನಲ್ಲಿ
ಕಾಲ ನೂಕುತಿರುವೆ
ನೀ ಬರುವ ದಾರಿಯಲ್ಲಿ
ನಂಬು ನನ್ನ ಚಿನ್ನ
ಮಾಡಿಹೆ ಹೃದಯ ಕನ್ನ
ಕಾಡಬೇಡ ಇನ್ನೂ
ತೋಳು ಸೇರು ಇನ್ನು
ಕೊಟ್ಟು ತುಟಿಯ ಜೇನು
ಹೀರು ಪ್ರೀತಿಯನ್ನು
ಬೇಡ ಇನ್ನು ಅಂತರ
ಇದಾಗಲಿ ನಿರಂತರ
*****