ಕನ್ನಡ ನಲ್ಬರಹ ತಾಣ
ಕೇಳಿ ಭಟ್ಟರೆ ಏಳಿ ಶೆಟ್ಟರೆ
ಎರಡು ಸಾವಿರ ಖಂಡಿಗೆ
ಇಂದೆ ಸಾಗಿಸಿ ಈಗ ಸಾಗಿಸಿ
ಎಲ್ಲ ಸರಕನು ಮಂಡಿಗೆ
ಗೂಗೆ ಹೇಳಿತು ಕಾಗೆ ಕೇಳಿತು
ಸೋಗೆ ನಕ್ಕಿತು ಮೆಲ್ಲಗೆ
ಮಾವು ಚಿಗುರಿತು ಬೇವು ಕೊನರಿತು
ಬಂತು ಮಾಗಿಯು ಊರಿಗೆ
ಹೊದ್ದು ಕಂಬಳಿ ಇಡಿಯ ಹೋಬಳಿ
ಎದ್ದು ಕುಳಿತಿತು ಬಿಸಿಲಿಗೆ
ಒಲ್ಲದಾಕಳು ಎಲ್ಲ ಹೈಕಳು
ಹೊರಟು ನಿಂತವು ಎಲ್ಲಿಗೆ?
ಹೊತ್ತು ಮೂಡಿತು ಹೊತ್ತು ಮುಳುಗಿತು
ಸಂಜೆಯಿಳಿಯಿತು ರಾತ್ರಿಗೆ
ಕಣ್ಣು ಹುಡುಕಿತು ಕೈಯು ತಡವಿತು
ಮೈಯ ಕರೆಯಿತು ಹಾಸಿಗೆ
ತೆರೆದು ಮಾನಸ ಸೇರಿ ಆಗಸ
ಕಟ್ಟಿರೆಕ್ಕೆಯ ಕನಸಿಗೆ
ಮತ್ತೆ ಮರುದಿನ ಹೀಗೆ ಪ್ರತಿದಿನ
ಮಾಗಿ ಮುಗಿದರೆ ಬೇಸಿಗೆ
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
