ರೂಪಮಹಲಿನ ರಾಣಿ

ರೂಪಮಹಲಿನ ರಾಣಿ!
ತಂದಿರುವೆನಿದೊ ನೂಲೇಣಿ
ಬಿಡಿಸಲೆಂದೆ ನಿನ್ನ ಸೆರೆ
ಬಂದಿರುವೆ ಕಿಟಕಿ ತೆರೆ
ಇಳಿದು ಬಾ ಒಂದೊಂದೆ
ಮೆಟ್ಪಲನು ನನ್ನ ಹಿಂದೆ
ಹಿಡಿ ನನ್ನ ಕೈಯ
ಇದು ಕೋಳಿ ಕೂಗುವ ಸಮಯ

ತಲ್ಲಣಿಸದಿರಲಿ ಮನ
ಉಳಿದುದೆಲ್ಲವು ಮೌನ
ಬಿದ್ದು ದಾರಿಯುದ್ದಕು
ತಿಂಗಳಿನ ತಿಳಿಬೆಳಕು
ತೊಳೆಯುವುದು ಕಾಲು
ದಾಟಿದರದೊ ಕೋಟೆಬಾಗಿಲು
ಕಾಯುತಿದೆ ನಮಗೆಂದು
ನದಿಯಲಿ ದೋಣಿಯೊಂದು

ಹೊತ್ತು ಮೂಡಲು ನಾವು
ಗಡಿಯ ತಲಪುವೆವು
ನೋಡದಿರು ಹಿಂದಕ್ಕೆ
ಬಾ ನನ್ನ ಸನಿಯಕ್ಕೆ
ಮರೆತುಬಿಡು ಆ ನಿನ್ನ
ಚಿನ್ನದ ಪಂಜರವನ್ನ
ಸ್ವಾತಂತ್ರ್ಯದ ಸ್ವರ್ಗ
ಇನ್ನು ಮುಂದಿನ ಸರ್ಗ

ಆಹ! ಏನು ಏನಂದಿ?
ಕಾಣಿಸುವ ದೊಂದಿ?
ಕಾವಲಿನ ಭಟರೆದ್ದು
ಬರುತಿರುವ ಸದ್ದು!
ಹೇಗೆ ಎದುರಿಸಲಿ
ಈ ಅನಿರೀಕ್ಷಿತ ಧಾಳಿ
ರೂಪಮಹಲಿನ ರಾಣಿ
ಮರೆತಿರುವೆ ನನ್ನ ಗುರಾಣಿ!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಪೊಸಗಾರ
Next post ಹಕ್ಕಿ

ಸಣ್ಣ ಕತೆ

  • ದೇವರು ಮತ್ತು ಅಪಘಾತ

    ಊರಿನ ಕೊನೆಯಂಚಿನಲ್ಲಿದ್ದ ಕೆರೆಯಂಗಳದಲ್ಲಿ ಅಣಬೆಗಳಂತೆ ಮೈವೆತ್ತಿದ್ದ ಗುಡಿಸಲುಗಳಲ್ಲಿ ಕೊನೆಯದು ಅವಳದಾಗಿತ್ತು. ನಾಲ್ಕೈದು ಸಾರಿ ಮುನಿಸಿಪಾಲಿಟಿಯವರು ಆ ಗುಡಿಸಲುಗಳನ್ನು ಕಿತ್ತು ಹಾಕಿದ್ದರೂ ಮನುಷ್ಯ ಪ್ರಾಣಿಗಳ ಸೂರಿನ ಅದಮ್ಯ ಅವಶ್ಯಕ… Read more…

  • ಜೋತಿಷ್ಯ

    ತಮಿಳು ಮೂಲ: ಕೊನಷ್ಟೈ "ನೀವು ಏನು ಬೇಕಾದರೂ ಹೇಳಿ, ನನಗೆ ಜ್ಯೋತಿಷ್ಯದಲ್ಲಿ ನಂಬಿಕೆ ತಪ್ಪುವುದಿಲ್ಲ. ಅದರಲ್ಲಿಯೂ ರಾಮಲಿಂಗ ಜೋಯಿಸರಲ್ಲಿ ಪೂರ್ಣ ನಂಬಿಕೆ"ಎಂದಳು ಕಮಲಾ. ಸಮಯ, ಸಂಧ್ಯಾ ಕಾಲ.… Read more…

  • ಬಾಗಿಲು ತೆರೆದಿತ್ತು

    ಆ ಮನೆಯ ಮುಂದಿನ ಬಾಗಿಲು ಯಾವಾಗಲೂ ಇಕ್ಕಿರುವುದು! ನನ್ನ ಓದುವ ಕೋಣೆಯ ಕಿಡಿಕೆಯೊಳಗಿಂದ ಆ ಮನೆಯ ಬಾಗಿಲು ಕಾಣುವುದು. ನಾನು ಕಿಡಿಕೆಯೊಳಗಿಂದ ಎಷ್ಟೋ ಸಲ ಅತ್ತ ಕಡೆ… Read more…

  • ಮುಗ್ಧ

    ಆಲೀ........ ಏ ಆಲೀ........ ಐಸಮ್ಮ ಮಗನನ್ನು ಎಷ್ಟು ಜೋರಾಗಿ ಕರೆದರೂ ಆಲಿಯಿಂದ ಉತ್ತರ ಬರಲಿಲ್ಲ. ಒಂದು ಕಡೆ ಕತ್ತಲೆಯಾಗುತ್ತಾ ಬರುತ್ತಿದೆ. ಬೀಡಿ ಕಟ್ಟುಗಳನ್ನು ಸಂಜೆಯ ಒಳಗೆ ಬ್ರಾಂಚಿಗೆ… Read more…

  • ಮನೆ “ಮಗಳು” ಗರ್ಭಿಣಿಯಾದಾಗ

    ಮನೆ ಮಗಳು "ಸೋನಿ" ಉಡಿ ತುಂಬುವ ಸಮಾರಂಭ. ಬೆಳಗಾವಿ ಜಿಲ್ಲೆಯ ಸದಲಗಾ ಪಟ್ಟಣದ ಪೀರ ಗೌಡಾ ಪಾಟೀಲ ಹಾಗೂ ಅವರ ತಮ್ಮ ಮಹದೇವ ಪಾಟೀಲರಿಗೆ ಎಲ್ಲಿಲ್ಲದ ಸಂಭ್ರಮವಾಯಿತು.… Read more…