ಶಿವಯೋಗ
ಕೂಸು ತಾಯಿಯ ಕಂಡು ಕುಲುಕುಲನೆ ನಕ್ಕಂತೆ
ಯೋಗವೆಂಬುದು ಚಂದ ಚಲುವ ಬಂಧ
ತಾಯ ಎದೆ ಹಾಲನ್ನು ಗಟಗಟನೆ ಕುಡಿದಂತೆ
ಶಿವಯೋಗದಾನಂದ ಮುದ್ದುಕಂದ
ಬಣ್ಣ
ಮಾವೀನ ಮರಕಂಡು ಗಾನ ಮಾಡುವರಿಲ್ಲ
ಕಲ್ಲೊಗೆದು ಹರಿದೊಯ್ವ ಕಳ್ಳರಿಹರು
ನೀನು ಸುಂದರ ಮಾವು, ನೀನು ಸುಂದರ ಗೋವು
ಬಣ್ಣ ನಂಬಲು ಬೇಡ ಮುದ್ದುಕಂದ
ಮನೆ
ಚಂದ ಕಟ್ಟಿದ ಮನೆಗೆ ಚಂದ ಚಂದದ ಹೆಸರು
ಚಂದನದ ಚಲುವೀನ ಚಿತ್ರನಕ್ಷೆ
ಚಂದ ಜಾರಿದ ಮನೆಯ ಚಂದನವೆ ಕಾಕುಳ್ಳು
ಇಂದ್ರ ಭವನವೆ ಇದ್ಲಿ ಮುದ್ದುಕಂದ
ಆರೋಗ್ಯ
ಬಾಯ್ಗೆ ಹಲ್ಲಿನ ಸೆಟ್ಟು ಕಣ್ಗೆ ಕಾಜಿನ ಕಟ್ಟು
ಹಡಿಯಾಕ ಸಿಜರಿನ್ನು ಮೆಟ್ಟಾಯಿತು
ಹತ್ತೀಯ ಹೊಲದಾಗ ದುಡಕೊಂತ ಹಡದಾಕಿ
ನಡಕೊಂತ ಬಂದಾಳ ಮುದ್ದುಕಂದ
*****
