ನಗೆ ಬುಟ್ಟಿ – ಚಿಲುಮೆ

ಅಪರೂಪದ ಆಸ್ತಿ

ಇಂದು ಆಗಿವೆ ಅಪರೂಪದ ಆಸ್ತಿಗಳು; ಅರಸ, ಅಂಬಾರಿ, ಮತ್ತು ಆನೆ! *****

ಕವಿ ರಚಿಸಬಲ್ಲ ಕವನವನ್ನ; ಅವನ್ನ ಕೇಳಲು ಕಿವಿಗಳು ಬೇಕಲ್ಲಾ?! *****

ಮದುವೆಯಾದರೂ ಬ್ರಹ್ಮಚಾರಿಯ ಬಾಳೇ ಹೀಗೆ; ಹಗಲೆಲ್ಲಾ ತುತ್ತಿಗಾಗಿ ದುಡಿತ ರಾತ್ರಿ ಎಲ್ಲಾ ಮುತ್ತಿಗಾಗಿ ತುಡಿತ! *****

ರಸಿಕತೆ ಎಂಬುದು ವಿಲಾಸ ಪ್ರಿಯನ ಕತೆ! *****

ಪಾಲಿಸಬೇಕು ನಿಯಮ; ತಪ್ಪಿದಲ್ಲಿ ನಿಮಗೆ ನೀವೇ ಯಮ! *****

ಸಾಲ ಪಡೆದ ತರುಣ ರೈತನ ಬಾಳಿನಲ್ಲಿ ಆದದ್ದು ಅರುಣೋದಯವಲ್ಲ; ಋಣೋದಯ! *****

ಜನಸ್ಪೋಟ ತಡೆಯಲು ಇಂದು ಬೇಕಾಗಿದೆ ಕುಟುಂಬಕ್ಕೆ ಕೋಟ! *****

ಗರಗರ ತಿರುಗುವ ಭೂದೇವಿ ಸೃಷ್ಟಿಕರ್ತನ ಚಾಟಿಗೆ ಸಿಲುಕಿದ ಬುಗುರಿ! *****

ಗಂಡಸು ಅಡುಗೆ ಸೌಟು ಹಿಡಿದಾ ರೀ; ರುಚಿಯೋ ಕಮಟು ಕೊಬರಿ, ರೀ! *****

ಕನ್ನಡದ ಬಳಕೆಯ ಬರ ನೀಗಿಸಲು ಮತ್ತೆ ಮತ್ತೆ ಬರುತ್ತದೆ ನವಂಬರ! *****