ಇವಳು ನನ್ನವ್ವ

ಇವಳು ನನ್ನವ್ವ
ತಂಪಿಗಾಗಿ ಕಾದವಳು
ಹನಿ ಬೀಳದೆ ಒಡಲೆಲ್ಲ
ಬಿರುಕು ಬಿರುಕು
ಬರಗಾಲ ಒಳಗೂ ಹೊರಗು
ಒಲೆಯ ಒಳಗಿನ
ಬಿಸಿ ಕಾವು,
ಕಾವಿನಲಿ ಬೆಂದ
ಅವ್ವ ಹನಿಗಾಗಿ
ಮೊಗವೆತ್ತಿ ನಡುನೆತ್ತಿಯ
ಮೇಲಿನ ಕಪ್ಪು ಮೋಡಕ್ಕಾಗಿ
ಕಾಯುತ್ತಲೇ ಇರುವಳು
ಬೆಳ್ಳ ಬೆಳ್ಳನೆ
ಬಂಜೆ ಮೋಡ
ಬಸಿರಾಗಿ ಕಪ್ಪಾಗಿ
ನೀರ ಹನಿಸುವಾಗ
ಕಾಲಬುಡ ತಂಪೇರಿ
ಹಸಿರು ಅರಳುವ ಹೊತ್ತು
ನನ್ನವ್ವನಿಗಲ್ಲ ಮಳೆಯ ತಂಪು
ಇಷ್ಟಾದರೂ ಕೆರಳಲು
ಒಡಲ ಕಂಪಿಸಿ
ಬಿರಿಯಲರಿಯಳು
ನೂರು ತುತ್ತು ತಿನಿಸಿ
ಹಸಿವ ಮರೆಸ ಬಯಸಿ
ಕಾಯುತ್ತಲೇ ಇರುವಳು
ಎಲ್ಲೊ ಬಿದ್ದ ಮಳೆಯ
ಸದ್ದಿಗೆ ಪುಳಕಗೊಳ್ಳುವ ಅವ್ವ
ನೋವನ್ನೆಲ್ಲ ಹೆಪ್ಪು
ಹಾಕಿ, ಬೆಣ್ಣೆ ಕಡೆವಳು
ಬೆಣ್ಣೆ ತಿನಿಸಿ ನೋವ
ಮರೆವಳು

ಹರಕು ಮುರುಕು
ಮನೆಯ ಗೋಡೆಗೆಲ್ಲ
ಮಣ್ಣ ಮೆತ್ತಿ ಸುಣ್ಣ
ಬಳಿವಳು, ಸುಣ್ಣ
ಮೆದ್ದ ಗೋಡೆಯೆಲ್ಲ
ಅವ್ವನ ಮನಸ್ಸಿನಂತೆ
ಬೆಳ್ಳ ಬೆಳ್ಳಗೆ ಈಗ
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಪ್ರತಿಬಿಂಬ
Next post ಕಿಟಕಿ

ಸಣ್ಣ ಕತೆ

  • ಏಡಿರಾಜ

    ಚಲೋ ವಂದು ಅರಸು ಮನಿ, ಗಂಡ-ಹೆಂಡ್ತಿ ದೊಡ್ಡ ಮನ್ತಾನದಲ್ ಆಳ್ಕತಿದ್ರು. ಆವಾಗೆ ಆ ಅರಸೂಗೆ ಗಂಡ್ ಹುಡ್ಗರಿಲ್ಲ. ಸಂತತ್ಯಲ್ಲ, ಇದ್ರದು ನಿಚ್ಚಾ ಕೆಲ್ಸಯೇನಪ್ಪ ಅರಸು ಹಿಂಡ್ತಿದು, ಮನಿ… Read more…

  • ಕಳ್ಳನ ಹೃದಯಸ್ಪಂದನ

    ಅದು ಅಪರಾತ್ರಿ ೨ ಘಂಟೆ ಸಮಯ. ಎಲ್ಲರೂ ಗಾಢ ನಿದ್ರೆಯಲ್ಲಿದ್ದರು. ಊರಿನಿಂದ ಸ್ವಲ್ಪ ದೂರವಾಗಿದ್ದ ಕಲ್ಯಾಣ ನಗರದ ಬಡಾವಣೆ, ಅಷ್ಟಾಗಿ ಹತ್ತಿರ ಹತ್ತಿರವಲ್ಲದ ಮನೆಗಳು, ಒಂದು ವರ್ಷದ… Read more…

  • ಧನ್ವಂತರಿ

    ಡಾ|| ಕೃಷ್ಣ ಪ್ರಸಾದ್ ಮೂಲತಃ ದಕ್ಷಿಣ ಕನ್ನಡ ಜಿಲ್ಲೆಯವರು. ಅವರು ಯಾದಗಿರಿ ಜಿಲ್ಲೆ ಸುರಪುರ ತಾಲ್ಲೂಕಿನ ಕೆಂಭಾವಿಯಲ್ಲಿ ಬಂದು ನೆಲೆಸಿರುವುದೂ ಒಂದು ಆಕಸ್ಮಿಕವೇ. ಒಂದು ದಿನ ತಮ್ಮ… Read more…

  • ಅಜ್ಜಿಯ ಪ್ರೇಮ

    ಎರಡನೆಯ ಹೆರಿಗೆಯಲ್ಲಿ ಅಸು ನೀಗಿದ ಮಗಳು ಕಮಲಳನ್ನು ಕಳಕೊಂಡ ತೊಂಬತ್ತು ವರ್ಷದ ಜಯಮ್ಮನಿಗೆ ಸಹಿಸಲಾಗದ ಸಂಕಟವಾಗಿತ್ತು. ಹೆಣ್ಣು ಮಗುವಿಗೆ ಜನ್ಮವಿತ್ತು ತನ್ನ ಇಹದ ಯಾತ್ರೆಯನ್ನು ಮುಗಿಸಿ ಹೋದ… Read more…

  • ತ್ರಿಪಾದ

    ವಿಲಿಯಂ ಜೋನ್ಸ್ ಭಾರತದ ದೇವನಹಳ್ಳಿ ವಿಮಾನ ನಿಲ್ದಾಣದಲ್ಲಿ ಇಳಿದಾಗ, ಅವನ ಮನವನ್ನು ಕಾಡುತ್ತಿದ್ದ ಪ್ರೀತಿ ಅವನ ಹೆಂಡತಿ ಮಕ್ಕಳೊಂದಿಗೆ ಅವನನ್ನು ಅತಿಯಾಗಿ ಹಚ್ಚಿಕೊಂಡಿದ್ದ ಅವನ ಪ್ರೀತಿಯ ನಾಯಿ… Read more…

cheap jordans|wholesale air max|wholesale jordans|wholesale jewelry|wholesale jerseys