ನೋಯಿಸದಿರು ಮನವ-
ಮನವೇ! ಕೋಯಿಸದಿರು ಮನವ
ನೊಂದರು ಬೆಂದರು ಯಾರೇನೆ೦ದರು
ನೋಯಿಸದಿರು ಮನವ
ಮನಮಲ್ಲಿಗೆ ಹೂವು; ಮನವೇ! ಮನ ಮಲ್ಲಿಗೆ ಹೂವು
ದೂರದಿ ಕಂಡು ಪರಿಮಳ ಉಂಡು ತಣಿದು ತೃಪ್ತಿ ಹೊಂದು
ಮನವೇ ತಣಿದು ತೃಪ್ತಿ ಹೊಂದು
ತಾಳಿಕೊಂಡು ಬಾಳು; ಮನವೇ! ತಾಳಿಕೊಂಡು ಬಾಳು
ಬೀಳುತ ಏಳುತ ಜೋಲಿಯ ಹಿಡಿಯುತ ಮುಂದೆ ಮುಂದೆ ಸಾಗು
ಮನವೇ! ಮುಂದೆ ಮುಂದೆ ಸಾಗು
ನುಂಗು ನುಂಗು ನುಂಗು; ಮನವೇ! ನುಂಗು ನುಂಗು ನುಂಗು
ಸಹನೆಯೆ ಭಕ್ತಿ ಸಹನೆಯೆ ಭುಕ್ತಿ ಸಹಿಸಿದಷ್ಟು ಶಕ್ತಿ
ಬರುವುದು ಸಹಿಸಿದಷ್ಟು ಶಕ್ತಿ
ಶ್ರದ್ಧೆಯಿಂದ ಸಾಗು; ಮನವೇ! ಶ್ರದ್ಧೆಯಿಂದ ಸಾಗು
ಹೊರಸವೀಂಟುವ ಹುಳು ಶಂಕೆಯನಳಿ. ನಂಬು ನಂಬು ನಂಬು
ಮನವೇ! ನಂಬು ನಂಬು ನಂಬು
ಸುಖ ದುಃಖವ ತ್ಯಜಿಸು: ಮನವೇ! ಸುಖ ದುಃಖವ ತ್ಯಜಿಸು
ಒಮ್ಮನದಲಿ ನಿಷ್ಕರ್ಮವ ಗೈಯುತ ದೇವನನ್ನು ಭಜಿಸು
ಮನವೇ ದೇವನನ್ನು ಭಜಿಸು
*****
