ಸ್ಪರ್ಶ

ಎಂದೋ ಬಿದ್ದ ಕಾಳೊಂದು
ಇತ್ತೀಚಿನ ಮಳೆಗೆ ಮೊಳಕೆಯೊಡೆದು
ಎರಡೆಲೆ ಚಿಗುರಿಸಿ ನಗುತಿದೆ

ಕಾಪೌಂಡಿನಾಚೆ ಮೋಡವೇ ಹೆಪ್ಪುಗಟ್ಟಿ
ಗವ್ವೆನ್ನುವ ವಾತಾವರಣ ಮನೆಯೊಳಹೊರಗೆಲ್ಲ-
ಕುಡಿ ಮೂಡುವ ಸಂಭ್ರಮಕೆ ಕಾದೂ ಕಾದೂ
ಕೊನೆಗೆ ಸ್ನಾನ ಕಣ್ಣೀರೂ ಬಚ್ಚಲು ಮೋರಿಗೆ,
ನಕ್ಷತ್ರಕರೂ ಮಾತನಾಡಲು
ಅಲ್ಲಿಯೇ ಹೋಗುವುದಿದೆಯಲ್ಲ!
ಎರಡು ನಾಲ್ಕು ಆರೆಂಟು ಹತ್ತಿಪ್ಪತ್ತು
ಚಿಗುರೆಲೆಗಳ ಗುಂಪು ಕಂಪೌಂಡು ಮುದ್ದಿಸುತ್ತಲೇ
ಮೆಲ್ಲನೆ ಮೇಲೇರಿ ಬಳಕಾಡುವುದು
ತೊನೆದಾಡುವುದೇನು ಆಹಾ!
ನೆಲದಾಳಕ್ಕಿಳಿದು ಹೆಕ್ಕಿ ಹೆಕ್ಕಿ ನೀರು ಹೀರಿ
ಪಸರಿಸಿದ ಬೇರಿನ ಸಂಭ್ರಮ.

ಉರುಳಾಡಿದವು ನಕ್ಷತ್ರಗಳು
ಬೆಳದಿಂಗಳ ಹಾಸಿಗೆಯನೇರಿ
ಚುಮು ಚುಮು ಉಷೆ
ಜಮುರು ಮಳೆ
ಮೊನ್ನೆ ಮೊನ್ನೆಯೇ ಕಣ್ಣುಬಿಟ್ಟ
ಎಲೆಗಳ ನಡುವೆ ಮುಗುಳು
ಮೊಗ್ಗು ಹೂವುಗಳ ನಗು
ಈಗಷ್ಟೇ ತುಂಬಿಕೊಳ್ಳುತ್ತಿವೆ ಹಾಲುಗಾಳು

ಗೋಡೆಯಾಚೆ ಕಳೆಗುಂದಿ ಕೊರಳು ತುಂಬಿ
ಉಕ್ಕೇರುವ ನದಿಯೋ ನದಿ ಆಕೆ
ಒಂದಿರುಳು ಏರುಬ್ಬರ ಇಳಿದು
ಭೂಮಿ ಎಲ್ಲವೂ ಶಾಂತ

ಅನಾಥಕಂದ ಉಡಿತುಂಬಿ ಕಲಕಲಿಸಿದ್ದು
ಲಾಲಿ ಹಾಡು ಇಂಪಾಗಿ ಎಲ್ಲರೆದೆ ತಟ್ಟಿದ್ದು
ಅದು ನಕ್ಕರೆತಾನು ನಕ್ಕು
ಕಣ್ಣುರೆಪ್ಪೆಯೊಳಗಿಟ್ಟು ಕಾಯುವ ಸಂತೋಷಿ
ದಿನ ದಿನಕೂ ಚಿಗುರಿ
ಜಗದೆತ್ತರ ಬೆಳೆಯುವ ಕನಸು
ಕೊಡುತಿದೆ ಮಲ್ಲಿಗೆ ನಗುವಿನ
ಹಾಲುಗಲ್ಲಿನ ಕಂದ
ಮಳೆ-ನದಿ ಆಹಾ ಅದೇನು ಸ್ಪರ್ಷ.
*****
ಪುಸ್ತಕ: ಇರುವಿಕೆ

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ರಾಗವೇಸ್ವರನೆಂಬೋ ಹವ್ಯಕ ಸ್ವಾಮಿ ಹೈಲಾಟ!
Next post ಯಾರಿವಳೀ ದೀಪಿಕಾ?

ಸಣ್ಣ ಕತೆ

  • ಪಾಠ

    ಚೈತ್ರ ಮಾಸದ ಮಧ್ಯ ಕಾಲ. ಬೇಸಿಗೆ ಕಾಲಿಟ್ಟಿದೆ. ವಸಂತಾಗಮನ ಈಗಾಗಾಲೇ ಆಗಿದೆ. ಊರಲ್ಲಿ ಸುಗ್ಗಿ ಸಮಯ. ಉತ್ತರ ಕರ್ನಾಟಕದ ನಮ್ಮ ಭಾಗದಲ್ಲಿ ಹತ್ತಿ ಜೋಳ ಪ್ರಮುಖ ಬೆಳೆಗಳು.… Read more…

  • ತ್ರಿಪಾದ

    ವಿಲಿಯಂ ಜೋನ್ಸ್ ಭಾರತದ ದೇವನಹಳ್ಳಿ ವಿಮಾನ ನಿಲ್ದಾಣದಲ್ಲಿ ಇಳಿದಾಗ, ಅವನ ಮನವನ್ನು ಕಾಡುತ್ತಿದ್ದ ಪ್ರೀತಿ ಅವನ ಹೆಂಡತಿ ಮಕ್ಕಳೊಂದಿಗೆ ಅವನನ್ನು ಅತಿಯಾಗಿ ಹಚ್ಚಿಕೊಂಡಿದ್ದ ಅವನ ಪ್ರೀತಿಯ ನಾಯಿ… Read more…

  • ಮಿಂಚಿನ ದೀಪ

    ಸಂಜೆ ಮೊಗ್ಗೂಡೆದಿತ್ತು. ಆಕಾಶದ ತುಂಬೆಲ್ಲಾ ಬಣ್ಣದ ಬಾಟಲಿ ಉರುಳಿಸಿದ ಹಾಗೆ ಕೆಂಪು, ನೀಲಿ ಬಣ್ಣ ಚೆಲ್ಲಿ, ಚಳಿಗಾಲದ ಸಂಜೆಯ ಮಬ್ಬಿನ ತೆಳುಪರದೆಯ ‘ಓಡಿನಿ’ ಎಲ್ಲವನ್ನೂ ಸುತ್ತುವಂತೆ ಪಸರಿಸಿಕೊಂಡಿತ್ತು.… Read more…

  • ನಂಟಿನ ಕೊನೆಯ ಬಲ್ಲವರಾರು?

    ಕುಳಿತವನು ಅಲುಗದಂತೆ ತದೇಕ ಚಿತ್ತದಿಂದ ಕಡಲನ್ನು ನೋಡುತ್ತಿದ್ದ. ಹಾಗೇ ಕುಳಿತು ಅರ್ಧಗಂಟೆ ಕಳೆದಿತ್ತು. ಮೊಲದ ಬಾರಿಗೆ ಕಡಲ ಕಂಡವನ ಚಿತ್ತ ಕಲಕುವುದೇಕೆಂದು ಕುಳಿತಲ್ಲೇ ಅವನನ್ನು ಬಿಟ್ಟು ತಿರುಗಾಡಿ… Read more…

  • ಇನ್ನೊಬ್ಬ

    ದೇವರ ವಿಷಯದಲ್ಲಿ ನಾನು ಅಗ್ನೋಸ್ಟಿಕನೂ ರಾಜಕೀಯದ ವಿಷಯದಲ್ಲಿ ಸೆಂಟ್ರಿಸ್ಟನೂ ಆಗಿದ್ದೇನೆ. ಇವೆರಡೂ ಅಪಾಯವಿಲ್ಲದ ನಿಲುವುಗಳೆಂಬುದು ನನಗೆ ಗೊತ್ತು. ಅಗ್ನೋಸ್ಟಿಕನಾಗಿದ್ದವನನ್ನು ಆಸ್ತಿಕರೂ ನಾಸ್ತಿಕರೊ ಒಂದೇ ತರಹ ಪ್ರೀತಿಯಿಂದ ಕಾಣುತ್ತಾರೆ,… Read more…

cheap jordans|wholesale air max|wholesale jordans|wholesale jewelry|wholesale jerseys