ಏನ ಮಾಡಲಿರುವೆ ನೀನು

ಏನ ಮಾಡಲಿರುವೆ ನೀನಿದುವರೆಗೆ
ಯಾರು ಮಾಡದ
ಏನ ಕಲ್ಪಿಸಲಿರುವೆ ಯಾರಿದುವರೆಗೆ ಕಲ್ಪಿಸದ

ಬಲೆಯ ನೇಯುವೆಯ ಜೇಡ
ಆಗಲೇ ನೇಯ್ದಿದೆ
ಕಲೆಯ ಬರೆಯುವೆಯ ಆ-
ಕಾಶ ಆಗಲೇ ರೂಪಿಸಿದೆ

ಮುತ್ತ ಪೋಣಿಸುವೆಯ ಇಬ್ಬನಿ
ಆಗಲೇ ಪೋಣಿಸಿದೆ
ಪರಿಮಳವ ಹರಡುವೆಯ ತೋಟ
ಆಗಲೇ ಹರಡಿದೆ

ಬೆಳಕು ಹರಿಸುವೆಯ ಬೆಳಗು
ಆಗಲೇ ಹರಿಸಿದೆ
ತಂಪು ಸುರಿಸುವೆಯ ತಿಂಗಳು
ಆಗಲೇ ಸುರಿಸಿದೆ

ಮಿಂಚುವೆಯ ಮಿಂಚು
ಆಗಲೇ ಮಿಂಚಿದೆ
ಧ್ವನಿಸುವೆಯ ಗುಡುಗು
ಆಗಲೇ ಧ್ವನಿಸಿದೆ.

ಕನಸು ಕಟ್ಟುವೆಯ ನಿದ್ದೆ
ಆಗಲೇ ಕಟ್ಟಿದೆ
ನೆನಸು ಕಾಣಿಸುವೆಯ ಕನ್ನಡಿ
ಆಗಲೇ ಕಾಣಿಸಿದೆ

ಕುದಿಯುವೆಯ ಬೆಂಕಿ
ಆಗಲೇ ಕುದಿಯುತಿದೆ
ಕರಗುವೆಯ ಮಂಜು
ಆಗಲೇ ಕರಗುತಿದೆ

ಚಲಿಸುವೆಯ ಲೋಕ
ಆಗಲೇ ಚಲಿಸಿದೆ
ಸುಮ್ಮನಿರುವೆಯ ದೈವ
ಯಾವತ್ತೂ ಸುಮ್ಮನಿದೆ
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ತಮೋಭೀತಿ
Next post ಉಮರನ ಒಸಗೆ – ೨೫

ಸಣ್ಣ ಕತೆ

  • ಲೋಕೋಪಕಾರ!

    ಸಾಥಿ ಶಿವರಾವ ಅವರಿಗೆ ಬಹು ದೊಡ್ಡ ಚಿಂತೆ! ಅವರು ಅನೇಕ ಪ್ರಶ್ನೆಗಳನ್ನು ಬಹು-ಸರಳವಾಗಿ ಬಿಡಿಸುತ್ತಿದ್ದರು. ಪರೀಕ್ಷೆಯಲ್ಲಿ ಅನೇಕ ಪ್ರಶ್ನೆಗಳಿಗೆ ಉತ್ತರ ಬರೆದಿದ್ದಾರು. ಆದರೆ ಎಂತಹ ದೊಡ್ಡ ಪ್ರಶ್ನೆ… Read more…

  • ಬೂಬೂನ ಬಾಳು

    ನಮ್ಮೂರು ಚಿಕ್ಕ ಹಳ್ಳಿ. ಹಳ್ಳಿಯೆಂದ ಕೂಡಲೆ, ಅದಕ್ಕೆ ಬರಬೇಕಾದ ಎಲ್ಲ ವಿಶೇಷಣಗಳೂ ಬರಬೇಕಲ್ಲವೇ ? ಸುತ್ತಲೂ ಹಸುರಾಗಿ ಒಪ್ಪುವ ಹೊಲಗಳು, ನಾಲ್ಕೂ ಕಡೆಗೆ ಸಾಗಿ ಹೋಗುವ ದಾರಿಗಳು,… Read more…

  • ಕಲಾವಿದ

    "ನನಗದು ಬೇಕಿಲ್ಲ. ಬೇಕಿಲ್ಲ! ಸುಮ್ಮನೆ ಯಾಕೆ ಗೋಳು ಹುಯ್ಯುತ್ತೀಯಮ್ಮಾ?" "ಹೀಗೇ ಎಷ್ಟು ದಿನ ಮನೆಯಲ್ಲೇ ಕುಳಿತಿರುವೆ, ಮಗು?" "ಇಷ್ಟು ದಿನವಿರಲಿಲ್ಲವೇನಮ್ಮ-ಇನ್ನು ಮೇಲೆಯೂ ಹಾಗೆಯೇ, ಹೊರಗಿನ ಪ್ರಪಂಚಕ್ಕಿಂತ ನನ್ನ… Read more…

  • ಟೋಪಿ ಮಾರುತಿ

    "ಏ ಕಾಗಿ, ಕಾಳೀ ಮಗನ! ಯಾಕ ಕೂಗ್ತೀಯಾ?" ಭಾವಿಯಲ್ಲಿಯ ಹಗ್ಗ ಮೇಲೆ ಕೆಳಗೆ ಹೋಗುತ್ತಿರುತ್ತದೆ. ಒಂದು ಮೊಳ ಹಗ್ಗ ಸೇದಿದರೆ ಅರ್‍ಧ ಮೊಳ ಒಳಗೆ ಸೇರಿರುತ್ತದೆ. "ಥೂ… Read more…

  • ಕಲ್ಪನಾ

    ಚಿತ್ರ: ಟಾಮ್ ಬಿ ಇದು ಇಪ್ಪತ್ತು ವರ್ಷಗಳ ಹಿಂದಿನ ಕಥೆ! ಮಾತನಾಡುವ ಸಿನಿಮಾ ಪ್ರಪಂಚ ಅದೇ ಆಗ ದಕ್ಷಿಣ ಭಾರತದಲ್ಲಿ ತಲೆಯೆತ್ತಿದ್ದಿತು! ಸಿನಿಮಾದಲ್ಲಿ ಪಾತ್ರವಹಿಸುವ ನಟಿನಟಿಯರನ್ನು ಅಚ್ಚರಿಯ… Read more…