ಬೆಟ್ಟಕ್ಕೆ ಮಣ್ಣೊತ್ತವು

ಬೆಟ್ಟಕ್ಕೆ ಮಣ್ಣೊತ್ತವೆಲ್ಲಾ ಇರುವೆಗಳು
ನೀ ನೋಡುತ್ತಾ ಇದ್ದಿ ಮಹಾರಾಯ

ಸಣ್ಣಿರುವೆ ದೊಡ್ಡಿರುವೆ
ಸಣ್ಣ ಕಣ್ಣಿನ ದೊಡ್ಡಿರುವೆ
ದೊಡ್ಡ ಕಣ್ಣಿನ ಸಣ್ಣಿರುವೆ
ಸಾಸಿವೆ ಕಾಳಿನ ನುಣ್ಣನೆ ಇರುವೆ

ಕಪ್ಪನೆ ಕಪ್ಪಿರುವೆ ಕೆಂಪನೆ ಕೆಂಪಿರುವೆ
ಮಣ್ಣಿನ ಬಣ್ಣದ ಪ್ರಾಗಿರುವೆ
ಒಂದರ ಹಿಂದೆ ಒಂದಿರುವೆ
ಆ ಒಂದರ ಹಿಂದೆ ಎರಡಿರುವೆ
ಎರಡಿರುವೆ ಮೂರಿರುವೆ
ಎಲ್ಲಾ ಇರುವೆಯು ಬಂದಿರುವೆ
ಲೆಕ್ಕ ಯಾರೂ ಇಟ್ಟಿಲ್ಲದಿರುವೆ

ಸಣ್ಣ ಸಣ್ಣ ಉಂಡೆ ಮಾಡಿ
ಒಂದಿರುವೆಯ ಇನ್ನೊಂದು ದೂಡಿ
ಕಲ್ಲ ಬಂಡೆಗಳ ಹತ್ತಿದುವು
ಮುಳ್ಳುಗಿಡಗಳ ಸುತ್ತಿದವು

ಒಂದರ ಹಿಡಿದಿನ್ನೊಂದರ ಹಾಗೆ
ಕಂದರಗಳ ದಾಟಿದವು
ಮಂದರ ಗಿರಿಗೆ ಸುಂದರ ಇರುವೆ
ಉರುಳುರುಳಿ ಒಂದೊಂದೇ ಏರಿದುವು

ಹಬ್ಬಿದಾ ಮಲೆಯಲಿ ಬಿರುಗಾಳಿ ಮಳೆಗಾಳಿ
ಮಬ್ಬಾಗಿ ಒಮ್ಮೆಲೆ ಗುಡುಗು ಮಿಂಚು
ಹತ್ತಿದಾ ಇರುವೆಗಳು ತಬ್ಬಾಗಿಬಿಟ್ಟಾವೆ
ಬೆಟ್ಟಪ್ಪ ನಿನಗೆ ಶರಣೆಂದಿವೆ

ಬೆಟ್ಟಪ್ಪ ನೀ ಜಪ್ಪನೆ ಇದ್ದಿ
ಮಂಜಿನ ಚದ್ದರ ಹೊದ್ದಿದ್ದಿ
ಸಂಜೆಗೆ ಬೇಗನೆ ನಿದ್ರಿಸಿದ್ದಿ
ಇರುವೆಲ್ಲಿ ಹೋದುವೊ ಮಹಾರಾಯ
ನಮ್ಮೂರ ಪಾಪದ ಇರುವೆಗಳೊ ಅವು
ಕಾಪಾಡೊ ಬೆಟ್ಟದ ರಾಯ
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ವಾಗ್ದೇವಿ – ೨೪
Next post ಯಾರೂ ಇಲ್ಲದ ಜಾಗ

ಸಣ್ಣ ಕತೆ

  • ವಾಮನ ಮಾಸ್ತರರ ಏಳು ಬೀಳು

    "ಏಳು!" ಅಂದರು ವಾಮನ ಮಾಸ್ತರರು. ರಾಜಪ್ಪ ಏಳಲಿಲ್ಲ. ಎಂದಿನಂತೆ ಕಿಟಿಕಿಯ ಹೊರಗೆ ಹೆದ್ದಾರಿಯಲ್ಲಿ ಹೋಗುತ್ತಿದ್ದ ವಾಹನಗಳನ್ನೂ ದಾರಿಹೋಕರನ್ನೂ ನೋಡುತ್ತ, ಡೆಸ್ಕಿನ ಮೇಲೆ ಬಲಗೈಯ ಸೊಂಟು ಊರಿ, ಕೈಯಮೇಲೆ… Read more…

  • ಗಂಗೆ ಅಳೆದ ಗಂಗಮ್ಮ

    ಕನ್ನಡ ನಾಡು ಆರ್ಯದ್ರಾವಿಡ ಸಂಸ್ಕೃತಿಗಳನ್ನು ಅರಗಿಸಿಕೊಂಡು ತನ್ನದಾದ ಒಂದು ಉಚ್ಚ ಸಂಸ್ಕೃತಿಯಿಂದ ಬಹು ಪುರಾತನ ಕಾಲದಿಂದಲೂ ಕೀರ್ತಿಯನ್ನು ಪಡೆದಿದೆ. ಇಂತಹ ನಾಡಿನಲ್ಲಿ ಕಾಣುವ ಅವಶೇಷಗಳು ಒಂದೊಂದು ಹಿರಿಸಂಸ್ಕೃತಿಯ… Read more…

  • ಗ್ರಹಕಥಾ

    [ಸತಿಯು ಪತಿಯ ಹಾಗೂ ಪತಿಯು ಸತಿಯ ಮನೋವೃತ್ತಿಗಳನ್ನು ಅರಿತು ಪರಸ್ಪರರು ಪರಸ್ಪರರನ್ನು ಸಂತೋಷಗೊಳಿಸಿದರೆ ಮಾತ್ರ ಸಂಸಾರವು ಉಭಯತರಿಗೂ ಸುಖಮಯವಾಗುತ್ತದೆ ಹೊರತಾಗಿ, ಅವರಲ್ಲಿ ಯಾರಾದರೊಬ್ಬರು ಅಹಂಭಾವದಿಂದ ಪ್ರೇರಿತರಾಗಿ, ಪರರ… Read more…

  • ನಿಂಗನ ನಂಬಿಗೆ

    ಹೊಸಳ್ಳಿ ನೋಡುವದಕ್ಕೆ ಸಣ್ಣದಾದರೂ ಕಣ್ಣಿಗೆ ಅಂದವಾಗಿದೆ. ಬೆಳವಲ ನಾಡಿನಲ್ಲಿ ಬರಿ ಬಯಲೆಂದು ಟೀಕೆ ಮಾಡುವವರಿಗೆ ಹೊಸಳ್ಳಿ ಕೂಗಿ ಹೇಳುತ್ತಿದೆ - ತಾನು ಮಲೆನಾಡ ಮಗಳೆಂದು ! ಊರ… Read more…

  • ಒಂದು ಹಿಡಿ ಪ್ರೀತಿ

    ತೆಂಗಿನ ತೋಟದಲ್ಲಿ ಬಾಗಿಕೊಂಡು ಹಣ್ಣಾಗಿ ಉದುರಿದ ಅಡಕೆಗಳನ್ನು ಒಂದೊಂದಾಗಿ ಹೆಕ್ಕಿ, ಸನಿಹದಲ್ಲಿದ್ದ ಪ್ಲಾಸ್ಟಿಕ್ ಚೀಲಕ್ಕೆ ತುಂಬಿಸುತ್ತಿದ್ದಂತೆ ಪಕ್ಕದಲ್ಲಿ ಸರಕ್ಕನೆ ಹರಿದು ಹೋದ ಕೇರೆ ಹಾವಿನಿಂದಾಗಿ ಒಮ್ಮೆ ವಿಚಲಿತರಾದರು… Read more…

cheap jordans|wholesale air max|wholesale jordans|wholesale jewelry|wholesale jerseys