ಅಮ್ಮ ನಿಮ್ಮ ಮನೆಗಳಲ್ಲಿ
ನಮ್ಮ ಪುಟ್ಟಿಯ ಕಂಡಿರೇ
ಪುಟ್ಟ ಪುಟ್ಟ ಹೆಜ್ಜೆಯಿಟ್ಟು
ದಿಟ್ಟಳಾಗಿ ಬರುವಳು
ಅಷ್ಟು ಮಾತುಗಳ ಆಡುವಳು
ಇಷ್ಟು ಪ್ರಶ್ನೆಗಳ ಕೇಳುವಳು
ಮಸಿ ಬೊಟ್ಟವಳ ಗಲ್ಲದಲ್ಲಿ
ಹುಸಿ ನಗೆ ಅವಳ ತುಟಿಗಳಲಿ
ನಸೆಯಿತ್ತರೆ ಬೆನ್ನು ಬಿಡಲು
ಬಿಸಿ ಹಾಲು ಸಕ್ಕರೆ ಬೇಕೆನುವಳು
ಅಡುಗೆಕೋಣೆಯಲಿ ಅಡ್ಡಾಡುವಳು
ಲಡ್ಡು ಎಲ್ಲಿದೆಯೆಂದು ಕಾಡುವಳು
ಮಡಿವಂತರ ಬಂದು ಮುಟ್ಟುವಳು
ಹಿಡಿಯ ಹೋದರೆ ದೇವರಾಣೆಗೂ ಅವಳು ಸಿಕ್ಕಳು
ಕುತ್ತಿಗೆ ತೋಳಲಿ ಬಳಸುವಳು
ಅತ್ತಿತ್ತ ಹೋಗಲು ಬಿಡಲೊಲ್ಲಳು
ಎತ್ತಿಕೋ ಎಂದು ಹಟ ಮಾಡುವಳು
ಮುತ್ತಿಕ್ಕಿಕೊಂಡವರ ಭಾಗ್ಯದಂಥವಳು
ಮೆಲ್ಲನೆ ಹೋಗಿ ನಿಲ್ಲುವಳು
ಝಲ್ಲೆಂದು ಗೆಜ್ಜೆಯ ಧ್ವನಿಸುವಳು
ಮಲ್ಲಿಗೆಯಂಥವಳಮ್ಮ ನಮ್ಮ ಮಗಳು
ಚೆನ್ನ ಮಲ್ಲಿಕಾರ್ಜುನನಿಗೆ ಪ್ರಿಯವಾದವಳು
*****
