ಪುಸ್ತಕದ ಕವಿತೆಗಿಂತ – ನಿನ್ನ
ಕಣ್ಣು ಬರೆವ ಕವಿತೆ ಚೆಂದ
ಅದ ಬರೆದುಕೊಂಡೆ ನನ್ನ ಎದೆಯಲ್ಲಿ
ಅದಕಾಗಿ ಕವಿಯಾದೆ ನಿನ್ನ ಋಣದಲ್ಲಿ /ಪ//
ನೂರು ಹಾಡು ಕೇಳಿರುವೆ ನಾನು
ನಿನ್ನ ಮಾತು ಅದ ಮರೆಸಿದೆ
ನೂರು ನಾಟ್ಯ ಕಂಡಿರುವೆ ನಾನು
ನಿನ್ನ ಹೆಜ್ಜೆ ಅದ ಮರೆಸಿದೆ
ನಂಬು ಇದು ಅಲ್ಲ ಕವಿತೆ – ನೀ
ನನ್ನಲ್ಲಿ ಕೊರೆದ ಹೊಸ ಚರಿತೆ
ನಿಟ್ಟಿಸಿ ನೀನು ನೋಡದಿರು ಹಾಗೆ
ಮೂಡೀತು ಮಹಾಕಾವ್ಯ
ಅದ ನೀ ಮಾತ್ರ ಓದಿದರೆ ಸಾಕು
ನನ್ನ ಬದುಕು ಖಂಡಿತ ಭವ್ಯ
ನೋಟ ಸುಂದರ, ಕಾರಣ
ಬದುಕು, ಅದರ ಹೂರಣ
*****