ಕನ್ನಡ ನಲ್ಬರಹ ತಾಣ
ಗೆಳತಿ, ನೀನಾದರೆ ಸನಿಹ
ಮೂಡುವುದು ಕವಿತೆ
ಇಲ್ಲವಾದರೆ ಕತೆ
ಆರಿಸಿಕೊ ನಿನಗ್ಯಾವುದು ಇಷ್ಟ
ಬೇಡ ನನ್ನ ಚಿಂತೆ
ನನಗಿರುವಾಗ ನಿನ್ನ ಚಿಂತೆ /ಪ//
ನನ್ನ ಪ್ರೀತಿ ಅಚಲ
ಇರಬಹುದು ಅದು ಹಿಮಾಚಲ
ಇದಕೆ ಬೇಕಿಲ್ಲ ಸಮರ್ಥನೆ
ಮಾಡಿದರೂ ನೀ ನಿರಾಕರಣೆ
ನೀನು ಬದುಕಬೇಕು
ಬದುಕಿ ಬಾಳಬೇಕು
ಇದು ನನ್ನ ಹರಕೆ
ಪ್ರೀತಿ ಕಾವ್ಯದ ಅರಿಕೆ
ಗೊತ್ತು, ಬದುಕು ಕಡಲು
ಹೆಬ್ಬಲೆಗಳು ಅದರ ಒಡಲು
ಆದರೆ ನಾನು ನಡುಗಡ್ಡೆ
ನಿನಗೆ ಎಂದಾದರೂ ತಂಗಲು
ಹೃದಯವಿರುವ ನೀನು
ಹೃದಯವನ್ನು ಬಲ್ಲೆ
ಇಷ್ಟೆ, ಸಾಕು ಇಲ್ಲಿ
ಮಾತು, ಸಮಾಜಕಿರಲಿ
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
