ಇರುಳು

ಈ ಅಪರಿಮಿತ ಪರಿಧಿ
ಇದು ಕತ್ತಲೆಯ ಸರದಿ
ಕೋವೆ ಕಂಭಗಳಿಂದೆದ್ದು ಸಂಜೆಯ ಮೋಡಗಳಿಂದ ಬಿದ್ದು
ಮೆಲ್ಲಗೆ ಆಕಳಿಸಿ ಹೊರಟಿದೆ ಸವಾರಿ ಕಂಬಳಿ ಹೊದ್ದು
ಡಾಮರು ರೋಡುಗಳ ಮೇಲೆ ಶೂನ್ಯ ಬಿಚ್ಚಿ ಹಾಸಿ
ಮಲಗುವ ತಯಾರಿ

ಅಥವಾ ಅದಕ್ಕೆ ಮೊದಲು
ಓಣಿ ಓಣಿಗಳಲ್ಲಿ ಸಂದಿಗೊಂದಿಗಳಲ್ಲಿ ಹೊಕ್ಕು
ಕಾಂಪೌಂಡ್ ಗೇಟುಗಳ ಜಿಗಿದು ಬಳ್ಳಿಗಳ ಬಳಸಿ
ಬೊಗಳಿಸಿಕೊಂಡು ಸ್ವಚ್ಛಂದ ಖವ್ವಾಲಿ ಹಾಡುವ
ಬೀದಿ ಭಿಕಾರಿ

ನೃತ್ಯ ಮಂದಿರಗಳಲ್ಲಿ ಕಾಕ್‌ಟೇಲ್ ಹೀರಿ ನಶಾ ಏರಿ
ಸ್ಕರ್ಟುಗಳ ನಿರಿಗಳಲಿ ಸೆರೆಯಾಗಿ ತೂಕಡಿಸಿ
ತಲೆದೀಪ ಕೆಡಿಸಿ ಅರೆತೆರೆದ ಪರೆ ತೆರೆದು
ರಹಸ್ಯ ದೋಚುವ ಮುಖವಾಡಧಾರಿ

ಬೀದಿಯಲ್ಲಿ ಬಿದ್ದವರ ಕೆಸರಿನ ಜನರ
ಹೊಕ್ಕಳಬಳ್ಳಿ ಹಿಡಿದು ಜಗ್ಗುವ ಕ್ರೂರ ಅಸ್ತಿತ್ವಕ್ಕೆ
ಬಲವಂತ ನಿದ್ದೆಗುಳಿಗೆ ತಿನ್ನಿಸಿ ಮಲಗಿಸುವ ಹೆಣ್ಣು
ಈ ಮಹಾನಗರದ ಬೆತ್ತಲೆಕಣ್ಣು
ಸಾಗರದಂತೆ ಅಲೆಯೆದ್ದು
ಎಲ್ಲಾ ನುಂಗಿ ಹಿರಿನಾಗರದಂತೆ ಬಿದ್ದ ಜಾಡ್ಯ
ಧ್ಯಾನಕ್ಕೆ ಸಂದಿದೆ ಮೌನಿ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಕನ್ನಡ ಕಥಾಲೋಕಕ್ಕೊಂದು ಸುತ್ತು…
Next post ತೊಳೆಯು ಬಾ ಬಸವ

ಸಣ್ಣ ಕತೆ

  • ಸಂತಸದ ಚಿಲುಮೆ

    ಅಕ್ಬರ ಮಹಾರಾಜ ಒಮ್ಮೆ ಆಸ್ಥಾನದಲ್ಲಿ ‘ಸಂತಸದ ಚಿಲುಮೆ ಎಲ್ಲಿದೆ’ ಎಂದು ಅಲ್ಲಿದ್ದವರನ್ನೆಲ್ಲಾ ಕೇಳಿದ. ಆಸ್ಥಾನದ ಪಂಡಿತ ಮಹಾಶಯನೊಬ್ಬ ಎದ್ದುನಿಂತು - ಮಹಾರಾಜ ಸಂತಸದ ಚಿಲುಮೆ ನಿಜಕ್ಕೂ ಎಲ್ಲಿದೆ… Read more…