ಕನ್ನಡ ನಲ್ಬರಹ ತಾಣ
ಕುಂತವರಿಗೇನು ತಿಳಿಯುವುದು
ನಿಂತವರ ಶಾಪ
ನಿಂತವರ ನೆರಳಲಿ ಅವರು
ತೂಕಡಿಸುವರು ಪಾಪ!
ನಿಂತು ಮರವಾಗಿ ಬೆಳೆಯುವುವು
ಹೂ ಕಾಯಿ ಹಣ್ಣು
ಕುಳಿತವರು ಆಗ ತೆರೆಯುವರು
ತಮ್ಮ ಒಂದು ಕಣ್ಣು
ಉಂಡವರಿಗೇನು ತಿಳಿಯುವುದು
ಉಣದವರ ಹಸಿವು
ಉಂಡ ಮೇಲೆ ಬರುವುದು ತಾನೆ
ಮೈ ಮೇಲೆ ಮರೆವು
ಉಣದವರು ಅಗೆದು ಮಾಡುವರು
ಫಲ ಬಿಡುವ ಮಣ್ಣು
ಉಂಡವರು ಆಗ ತೆರೆಯುವರು
ತಮ್ಮ ಇನ್ನೊಂದು ಕಣ್ಣು
ಉಳ್ಳವರಿಗೇನು ತಿಳಿಯುವುದು
ಇಲ್ಲದವರ ಕಷ್ಪ
ಉಳ್ಳವರು ಉಳಿಸಿಕೊಳ್ಳಲು
ತೊಡಗಿರುವುದು ಸ್ಪಷ್ಟ
ಇಲ್ಲದವರೆಡೆಯಲ್ಲಿ ಹಾಡುವಳು
ತನ್ನ ಪಾಡಿಗೆ ಹೆಣ್ಣು
ಉಳ್ಳವರು ಆಗ ತೆಗೆಯುವರು
ಜೇಬಿನಿಂದ ಹೊನ್ನು
*****
ಅವಳು ಯಾವ ಹುಡುಗರ ಜೊತ ನಿಂತು ಮಾತನಾಡಿದರೂ ಶ್ರೀಕಾಂತನಪಾಲಿಗೆ ಆ ಹುಡುಗರು ವಿಲನ್ಗಳಂತೆಯೇ ಭಾಸವಾಗುತ್ತಿದ್ದರು. ಅವಳು ತನ್ನ ಕಾಲೇಜಿನ ಲೆಕ್ಚರರ್ಗಳು ಪಾಠ ಮಾಡುವ ವೈಖರಿ ಸ್ಟೈಲು ಹೈಲುಗಳ ಕುರಿತು ಬಣ್ಣಿಸುವಾಗಲೂ ಕೇಳಲಾಗದೆ ಶ್ರೀಯ ಹೊಟ್ಟೆಯಲೆಲ್ಲಾ ತಳಮಳ. ಅಷ್ಟೇಕೆ ಅವಳು ತನ್ನ ತ...
೧ ಗೌರಿಯ ಹಬ್ಬವು ಕಳೆದು ಕೆಲವು ದಿನಗಳಾಗಿದ್ದುವು. ಭಾಗೀರಥಮ್ಮನೂ ಅವಳ ಜೊತೆಯ ಹುಡುಗಿಯರೂ ಒಂದೊಂದು ದಿನವನ್ನು ಕಳೆಯುವುದೂ ಒಂದೊಂದು ಯುಗವನ್ನು ಕಳೆದಂತೆ ಕಷ್ಟವಾಗಿದ್ದಿತು. ಅವರು ಎಷ್ಟು ಕುತೂಹಲದಿಂದ ಬಯಸಿದರೂ ದಿನಗಳು ಬೇಗ ಬೇಗ ಉರುಳಲೊಲ್ಲವು. ಒಂದು ದಿನ ಅವರೆಲ್ಲರೂ ಸೇರಿ ಕವಡೆಯ...
