ಕನ್ನಡ ನಲ್ಬರಹ ತಾಣ
ಅಮ್ಮಾ ಅಮ್ಮಾ ಒಂದೇ ಒಂದು
ಉಂಡೆ ಕೊಡ್ತೀಯಾ?
ನೆಂಚ್ಕೊಳ್ಳೋಕೆ ಜೊತೆಗ್ ಒಂದೇ
ಚಕ್ಲಿ ಇಡ್ತೀಯಾ?
ಅಮ್ಮಾ ನಂಗೆ ಹಸಿವೆ ಇಲ್ಲ
ಊಟ ಬೇಡಮ್ಮ
ಅದಕ್ಕೆ ಬದಲು ಎರಡೇ ಎರಡು
ದೋಸೆ ಮಾಡಮ್ಮ.
ಕ್ಲಾಸಿಗೆಲ್ಲ ನಾನೇ ಫಸ್ಟು
ಎಲ್ಲ ಆಟ್ದಲ್ಲಿ!
ಇನ್ನೊಂದ್ ಸ್ವಲ್ಪ ಬೆಣ್ಣೆ ಹಾಕೇ
ದೋಸೆ ಪ್ಲೇಟಲ್ಲಿ!
ತುಂಬ ವೀಕಾಗಿದೀನಂತೆ
ಮೇಡಂ ಹೇಳಿದರು,
ತಿಂಡಿ ಸರಿಯಾಗ್ ತಿನ್ನೋಲ್ವಾಂತ
ಮೆಲ್ಲಗೆ ಕೇಳಿದರು.
ಮೇಡಂ ಮತ್ತೆ ಬಯ್ಯದ ಹಾಗೆ
ತಿಂಡಿ ಮಾಡ್ಕೊಡೆ,
ಇಲ್ಲ ಅಂದ್ರೆ ನಾಳೆ ಸ್ಕೂಲಿಗೆ
ನೀನೇ ಹೋಗ್ಬಿಡೆ!
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
