ಕನ್ನಡಿಯನು ಪ್ರೀತಿಸುತ್ತಾ
ಪ್ರೀತಿಸುತ್ತಲೇ
ಕನ್ನಡಿಯೇ
ಆದ ಹುಡುಗಿ,
ಹಾಡಲಾಗಲಿಲ್ಲ
ಎದೆಯಾಳದ ಎಲ್ಲ
ಎಲ್ಲಾ ಹಾಡುಗಳನ್ನು!
ಬರಿಯ ಪ್ರತಿಫಲಿಸುವ
ಕನ್ನಡಿಗೆ
ಎಲ್ಲಾ ಅವ್ಯಕ್ತಗಳೂ
ದಕ್ಕುವುದಾದರೂ ಹೇಗೆ?
ನಿನ್ನೆಗಳಲ್ಲಿ ಮನ ತುಂಬಿ
ಹಾಡಲಾಗದ ಹುಡುಗಿ
ಇಂದು ತನ್ನ ಪ್ರೀತಿಯ
ಕನ್ನಡಿಯನೇ ಒಡೆದು
ನಾಳೆಗಳಲ್ಲಿ ಹಾಡತೊಡಗಿದಾಗ.
ಎಲ್ಲ ಹಾಡುಗಳೂ
ಹೊರಹೊಮ್ಮಿ ಹಾರಿ,
ಎದೆಯಿಂದ ಜಾರಿ,
ಬಾನಿನಂಚನು ಮೀರಿ,
ಪ್ರೇಮಸಂದೇಶ ಸಾರಿ,
ಎತ್ತರೆತ್ತರಕೆ ಏರಿ,
ನಿಂತಾಗಲೊಮ್ಮೆ
ಕಣ್ಬಿಟ್ಟ ಹುಡುಗಿ
ಚೂರಾದ ಕನ್ನಡಿಯ
ಇನ್ನೊಮ್ಮೆ ಒದ್ದು
ಮತ್ತೆ ಮತ್ತೆ ಹಾಡುತ್ತಾಳೆ
ತಾನೇ ಹಾಡಾಗುತ್ತಾಳೆ!
*****
ಕುಳಿತವನು ಅಲುಗದಂತೆ ತದೇಕ ಚಿತ್ತದಿಂದ ಕಡಲನ್ನು ನೋಡುತ್ತಿದ್ದ. ಹಾಗೇ ಕುಳಿತು ಅರ್ಧಗಂಟೆ ಕಳೆದಿತ್ತು. ಮೊಲದ ಬಾರಿಗೆ ಕಡಲ ಕಂಡವನ ಚಿತ್ತ ಕಲಕುವುದೇಕೆಂದು ಕುಳಿತಲ್ಲೇ ಅವನನ್ನು ಬಿಟ್ಟು ತಿರುಗಾಡಿ… Read more…
ಶಾಲೆಯ ಮಾಸ್ತರ್ ಆಗಿ ಗಜರಾಜ ಸಿಂಗ್ ಅವರು ಪ್ರೈಮರಿ ಶಾಲೆಯ ಮಕ್ಕಳಿಗೆ ಹೇಳಿಕೊಡುತ್ತಿದ್ದ ಮೊದಲ ಪಾಠವೆಂದರೆ "ತಂದೆ ತಾಯಿಯನ್ನು ಗೌರವಿಸಿ, ಅವರೇ ನಿಮ್ಮ ಪಾಲಿನ ದೈವ" ಎಂದು.… Read more…
ಕುಮಾರನಿಗೆ ಪಕ್ಕದ ಮನೆಯ ರೆಡಿಯೋದಲ್ಲಿ ಬಸಪ್ಪ ಮಾದರ ಧ್ವನಿ ಕೇಳಿ ಎಚ್ಚರವಾಯ್ತು. ದೇಹಲಿ ಕೇಂದ್ರದಿಂದ ವಾರ್ತೆಗಳು ಬರುತ್ತಿದ್ದವು. ಹಾಸಿಗೆಯಿಂದ ಎದ್ದವನೆ ಕದ ತೆಗೆದ. ಬೆಳಗಿನ ಸೊಗಸು ಕೊರೆವ… Read more…
ಮಂಗಳೂರಿನ ಟೌನ್‌ಹಾಲಿನ ಪಕ್ಕದಲ್ಲಿರುವ ನೆಹರೂ ಮೈದಾನಿನ ಮೂಲೆಯ ಕಲ್ಲು ಬೆಂಚಿನ ಮೇಲೆ ಕುಳಿತ ಪುರಂದರ ಹಸಿವೆಯನ್ನು ತಡೆಯಲಾರದೆ ತಳಮಳಿಸುತ್ತಿದ್ದ. ಜೇಬಿಗೆ ಕೈ ಹಾಕಿ ನೋಡಿದ. ಬರೇ ಇಪ್ಪತ್ತೇಳು… Read more…
ಚಲೋ ವಂದು ಅರಸು ಮನಿ, ಗಂಡ-ಹೆಂಡ್ತಿ ದೊಡ್ಡ ಮನ್ತಾನದಲ್ ಆಳ್ಕತಿದ್ರು. ಆವಾಗೆ ಆ ಅರಸೂಗೆ ಗಂಡ್ ಹುಡ್ಗರಿಲ್ಲ. ಸಂತತ್ಯಲ್ಲ, ಇದ್ರದು ನಿಚ್ಚಾ ಕೆಲ್ಸಯೇನಪ್ಪ ಅರಸು ಹಿಂಡ್ತಿದು, ಮನಿ… Read more…
