ಗಾಳಿ ಬೀಸುತ್ತಲೇ, ಬೀಸುತ್ತಲೇ ಇತ್ತು

-೧-
ಗಾಳಿ ಬೀಸುತ್ತಲೇ, ಬೀಸುತ್ತಲೇ ಇತ್ತು;
ಬಿಸಿಲು ಉರಿಯುತ್ತಲೇ, ಉರಿಯುತ್ತಲೇ ಇತ್ತು ;
ಗುಡುಗಿ ಬಾನ್ ಮಿಂಚುರಿದು ಮಳೆ ಬೀಳುವಂತಿತ್ತು ;
ಇನ್ನೊಂದು ನಿಮಿಷದಲಿ ಮಳೆ ಗಾಳಿಯಾಗಿತ್ತು.

ಇನ್ನೊಂದು ನಿಮಿಷದಲಿ ಮಳೆ ಗಾಳಿಯಾಗಿತ್ತು ;
ಗಾಳಿ ಬೀಸುತ್ತಲೇ, ಬೀಸುತ್ತಲೇ ಇತ್ತು;
ಹೂಮುಡಿದ ಹುತ್ತದಲಿ ಹಾವು ಹೆಡೆ ತೆರೆದಿತ್ತು;
ಹಳ್ಳ ಹರಿಯುತ್ತಲೇ, ಹರಿಯುತ್ತಲೇ ಇತ್ತು.

ಹಳ್ಳ ಹರಿಯುತ್ತಲೇ, ಹರಿಯುತ್ತಲೇ ಇತ್ತು;
ಗಿಡದ ಹೂ ಒಂದೊಂದು ಉದುರುತ್ತಲೇ ಇತ್ತು;
ಗಾಳಿ ಬೀಸುತ್ತಲೇ, ಬೀಸುತ್ತಲೇ ಇತ್ತು;
ಉಣಿಸಿಲ್ಲದೂರಿನಲಿ ಮಧ್ಯಾಹ್ನವಾಗಿತ್ತು.

ಉಣಿಸಿಲ್ಲದೂರಿನಲಿ ಮಧ್ಯಾಹ್ನವಾಗಿತ್ತು ;
ಹುಟ್ಟಬಾರದ ಕಂದ ತೊಟ್ಟಿಲಲಿ ನುಲಗಿತ್ತು;
ಸಂತೋಷವೊಂದಿರದ ಸಂಸಾರ ಬೆಳೆದಿತ್ತು ;
ಗಾಳಿ ಬೀಸುತ್ತಲೇ, ಬೀಸುತ್ತಲೇ ಇತ್ತು.

-೨-
ಗಾಳಿ ಬೀಸುತ್ತಲೇ, ಬೀಸುತ್ತಲೇ ಇತ್ತು ;
ಮನೆ ಮನೆಯ ಮುಂದೆಲ್ಲ ಭಿಕ್ಷುಕರ ದಂಡಿತ್ತು;
ಪೆಟ್ಟೆಯಲಿ ಬತ್ತ ಪಾತಾಳವನು ಕಂಡಿತ್ತು ;
ಗಂಟಲೋ ತಂಬಟೆಯೋ ತಾಳವೋ ಕೊಂದಿತ್ತು.

ಗಂಟಲೋ ತಂಬಟೆಯೋ ತಾಳವೋ ಕೊಂದಿತ್ತು;
ಗಾಳಿ ಬೀಸುತ್ತಲೇ, ಬೀಸುತ್ತಲೇ ಇತ್ತು;
ಚಾಟಿಯ ಛಟೀರೆನಿಸಿ ಮಾರಿಯೂ ಬಂದಿತ್ತು;
ದಾಟಿ ಹೋಗಲು ದಾರಿ ಸುತ್ತಲೂ ಕಟ್ಟಿತ್ತು.

ದಾಟಿ ಹೋಗಲು ದಾರಿ ಸುತ್ತಲೂ
ಒಂದು ಹಿಡಿ ಅನ್ನಕ್ಕೆ ಬಾಳು ಆಳಾಗಿತ್ತು;
ಗಾಳಿ ಬೀಸುತ್ತಲೇ, ಬೀಸುತ್ತಲೇ ಇತ್ತು;
ಕುಳಿಬಿದ್ದ ಮುದಿಕೆನ್ನೆ ಕೆಟ್ಟ ನಗೆ ಬೀರಿತ್ತು.

ಕುಳಿಬಿದ್ದ ಮುದಿಕೆನ್ನೆ ಕೆಟ್ಟ ನಗೆ ಬೀರಿತ್ತು;
ಉಸಿರಿಲ್ಲದೊಂದು ಉತ್ಸವ ಮುಂದೆ ಸಾಗಿತ್ತು;
ನಗೆಯಿರದ ಬಲವಿರದ ಶಾಂತಿ ಕೈಮುಗಿದಿತ್ತು;
ಗಾಳಿ ಬೀಸುತ್ತಲೇ, ಬೀಸುತ್ತಲೇ ಇತ್ತು.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಒಂದು ಸ್ವಪ್ನ
Next post ಪುಟಾಣಿ ಇರುವೆ

ಸಣ್ಣ ಕತೆ

  • ವಾಮನ ಮಾಸ್ತರರ ಏಳು ಬೀಳು

    "ಏಳು!" ಅಂದರು ವಾಮನ ಮಾಸ್ತರರು. ರಾಜಪ್ಪ ಏಳಲಿಲ್ಲ. ಎಂದಿನಂತೆ ಕಿಟಿಕಿಯ ಹೊರಗೆ ಹೆದ್ದಾರಿಯಲ್ಲಿ ಹೋಗುತ್ತಿದ್ದ ವಾಹನಗಳನ್ನೂ ದಾರಿಹೋಕರನ್ನೂ ನೋಡುತ್ತ, ಡೆಸ್ಕಿನ ಮೇಲೆ ಬಲಗೈಯ ಸೊಂಟು ಊರಿ, ಕೈಯಮೇಲೆ… Read more…

  • ಕರಾಚಿ ಕಾರಣೋರು

    ಮಳೆಗಾಲ ಆರಂಭವಾಯಿತೆಂದರೆ ಕುಂಞಿಕಣ್ಣ ಕುರುಪ್ಪನ ಏಣೆಲು ಗದ್ದೆಗೆ ನೇಜಿ ಕೆಲಸಕ್ಕೆ ಹೋಗಲು ಕಪಿಲಳ್ಳಿಯ ಹೆಂಗಸರು, ಗಂಡಸರು ತುದಿಗಾಲಲ್ಲಿ ಕಾಯುತ್ತಿರುತ್ತಾರೆ. ವರ್ಷವಿಡೀ ವಿಪ್ರರ ಮತ್ತು ವಿಪ್ರಾತಿವಿಪ್ರರ ಆಡಿಕೆ ತೋಟಗಳಲ್ಲಿ… Read more…

  • ಕೆಂಪು ಲುಂಗಿ

    ಬೇಸಿಗೆಯ ರಜೆ ಬಂತೆಂದರೆ ಅಮ್ಮಂದಿರ ಗೋಳು ಬೇಡ; ಮಕ್ಕಳೆಲ್ಲಾ ಮನೆಯಲ್ಲೇ... ಟೀವಿಯ ಎದುರಿಗೆ ಇಲ್ಲವಾದರೆ ಅಂಗಳದ ಸೀಬೆಮರ ಮತ್ತು ಎತ್ತರವಾದ ಕಾಂಪೌಂಡಿನ ಗೋಡೆಗಳ ಮೇಲೆ.... ಯಾರಾದರೂ ಬಿದ್ದರೆ,… Read more…

  • ನಿರೀಕ್ಷೆ

    ಆ ಹಣ್ಣು ಮುದುಕ ಎಲ್ಲಿಂದ ಬರುತ್ತಾನೆ, ಎಲ್ಲಿಗೆ ಹೋಗುತ್ತಾನೆ ಎಂದು ಯಾರಿಗೂ ತಿಳಿಯದು. ಆದರೆ ಎಲ್ಲರೂ ಅವನನ್ನು ಕಲ್ಲು ಬೆಂಚಿನ ಮುದುಕ ಎಂದೇ ಕರೆಯುತ್ತಾರೆ. ಪ್ರೈಮರಿ ಶಾಲೆಯ… Read more…

  • ಅಂತರಂಗ ಶುದ್ಧಿ ಬಹಿರಂಗ ಶುದ್ಧಿ

    ಸ್ವಾಮೀಜಿಗಳಿಗೆ ಈವತ್ತಂತೂ ಮೈ ತುರಿಸಿಕೊಳ್ಳಲೂ ಪುರುಸೊತ್ತಿಲ್ಲ. ಹಲವು ಕಾರ್ಯಕ್ರಮಗಳ ಒತ್ತಡ, ರಾಜಕಾರಣಿಗಳ ಭೇಟಿ ಜೊತೆಗೆ ತಂಡೋಪತಂಡವಾಗಿ ಆಶೀರ್ವಾದ ಬೇಡಿ ಬರುವ ಭಕ್ತರ ಕಿರಿಕಿರಿ. ಇದರ ಮದ್ಯೆ ಜಪತಪ,… Read more…