ಹಡಗವಲ್ಲವಯ್ಯಾ ಇದು!
ಹದಗಡಕ! ನಿಶಾಚರ!
ಅಹಿರಾವಣ! ಮಹಿರಾವಣ!
ಶೂರ್ಪನಖಿಯ ಆಪ್ತಬಂಧು!
ರಾಶಿರಾಶಿಯಾಗಿ ಬಿದ್ದಿದೆ ನೋಡು-
ಮೀನಗಡಕ ಮೊಸಳೆಯಂತೆ!
ನಕ್ರದಂತೆ ವಕ್ರಾಕಾರ!
ಮೀನದಂತೆ ವಾಯುಜೀವಿ!
ಹೇಗೆ ಕಣ್ಣುಬಿಡುತಿದೆ ನೋಡ
ಒಕ್ಕಣ್ಣ ರಾಕ್ಷಸನಂತೆ!
ಹೇಗೆ ಒದ್ದಾಡುತಿದೆ ನೋಡು
ಚಿಗರೆಯ ಮೆದ್ದ ಹೆಬ್ಬಾವಿನಂತೆ!
ಸುಡುತಿದೆ ನೋಡು ಹೊಗೆಸೊಪ್ಪನು
ಜ್ಹಾಲಾಮುಖಿಯಂಥ ಚಿಲುಮೆಯೊಂದರಲ್ಲಿ:
ಬದಿಗೆರಡು ಚಿಲುಮೆಗಳಿರಿಸಿ:
ಮನೆಮಾರಿನಿಂದೆಳೆದು ತಂದು
ಗಂಟಿಕ್ಕಿ ನೂರೊಂದು ನೇಣಿಂದ
ಸೆರೆಯಿಕ್ಕಿದೆ ನೂರೆಂಟು ನಾವಿಗರನು!
ಹಡಗವಲ್ಲವಯ್ಯ ಇದು!
ಹದಗಡಕ! ನಿಶಾಚರ!
ಮೈಗಣ್ಣನಂತೆ ವಿಕಿವಿುಕಿ ನೋಡುತಿದೆ ನೋಡು!
ಇಲಿಯ ಗುದ್ದುಗಳಂಥ ದಿಟ್ಟಿಗಳಿಂದ!
ಮೈತುಂಬ ದೀಪ ಹಚ್ಚಿಕೊಂಡು
ಹೊಟ್ಟೆತುಂಬ ಇದ್ದಲಿಯಿರಿಸಿ
ತನ್ನ ಸ್ನಾಯುವಿನ ಮೇಲೆ
ಧಮನಿಯ ಕೆಳಗೆ-
ಓಡಾಡಿಸುತಿದೆ ನಮ್ಮನು,-
ಅನುದಿನವು ಓಡಾಡಿಸುತ್ತಿದೆ ನೋಡು!
ಇದರ ಪ್ರಾತರ್ವಿಧಿಯೇ ನಮಗುಸಿರು, ಅನ್ನನೀರು.
ಇದರಂತ್ಯವಿಧಿಯೇ ನಮಗೆ ಜೀವನ??
*****
