ತ್ರುಪ್ತಿ ಕಂಡ್ಕೊಂಡವರೀಗ್ ಮಾತ್ರ
ಯಿಡಿದ್ ರವಾನ್ಸಿ ಬೂಮೀಗ್ ಅತ್ರ
ಮಿಕ್ಕೋರ್‍ಗ್ ಇಲ್ಲಿ ತಾವ್ ಇಲ್ಲಾಂತ
ಬಂದಂಗ್ ಯಿಂದಕ್ ಅಟ್ತಿದ್ದೆ-
ನಂಗೆ ದೇವರ್ ಪಟ್ಟಿದ್ರೆ! ೧
ಊರಾಗೆಲ್ಲ ರಾಗಿ ಬಿತ್ಸಿ
ಕಾಲಿ ಜಾಗದಾಗ್ ಗುಡಿಸಿಲ್ ಎತ್ಸಿ
ಬಡವರ್ ಬದಿಕಿನ್ ಒಡಕನ್ ಮುಚ್ಚಿ
ಔರ್‍ಗೆ ತಮ್ನಂಗ್ ಆಗ್ತಿದ್ದೆ!
ರಾಜನ್ ಪದವೀಗ್ ನೆಗ್ತಿದ್ದೆ! ೨
ಗುಡಿಗೊಳ್ ಪಕ್ದಾಗ್ ಗುಡಿಸಿಲ್ ವೂಡಿ
ಬಡವನ್ಗೂನೆ ದೇವರ್ ಮಾಡಿ
ಬಡವರ್ ಬೋನಕ್ ಬೊಗ್ಗೀಸ್ತಿದ್ದೆ
ಪೂಜಾರೀಗೊಳ್ಗ್ ಎಮ್ಕೇನ !
ಗುರು ನಾನ್ ಆಗೋದ್ ಸುಂಕೇನ ! ೩
ಬೀದಿ ಉದ್ಕು ಗೇಣ್ಗ್ ಒಂದೊಂದು
ದಪ್ಪ್ ದೊಡ್ಡ್ ಬಾಯಿನ್ ನಲ್ಲಿ ತಂದು
ತಿರಗಿಸ್ತಿದ್ರೆ- ಯೆಂಡ ಮೊದಲು !
ಮುನಿಸಿಪಾಲ್ಟೀಗ್ ನಾನ್ ಇದ್ರೆ !
ಆಗ್ ನನಗೇನ್ರ ಗ್ನಾನ್ ಇದ್ರೆ ! ೪
*****