ಬಿಟ್ಟಿದ್ದೆ ಯೆಂಡ ಅಲ್ಲಿ-
ನೆಟ್ಗೆ ಬಂದೆ ಇಲ್ಲಿ.
ಎಲೇಲೇಲೇ ರಸ್ತೆ!
ಯೇನು ಅವ್ವೆವಸ್ತೆ!
ಮೈ ಕೈ ಯೆಲ್ಲ ಮುದರಿ
ಯಾಕೇ ಕುಣೀತಿ ಕುದರಿ?
ಕೊಟ್ಟೆ ಯಲ್ಲ ಗಸ್ತು!
ಕುಡಿದ್ದೀಯ ರಸ್ತೆ!
ಚಂದ್ರನ್ ಮುಕವೇಕ್ ಸೊಟ್ಟು?
ಅದ್ದು! ಬಲಗಣ್ ಛಟ್ಟು!
ಉಳ್ದಿರೋ ಎಡದಾಗಣ್ಣು
ಯೆಚ್ಚಿದ್ ಲಿಂಬೇ ಅಣ್ಣು!
ಏನೋ ಚಂದ್ರ! ಪೆಂಗೆ!
ನಾಚ್ಕೆ ಇಲ್ವೆ ನಿಂಗೆ!
ಕೆಟ್ಟವರ್ ಕುಡಿತಾರ್ ಅಂದ್ರೆ
ನಿಂಗ್ಯಾಕ್ ಎಂಡದ್ ತೊಂದ್ರೆ?
ನೋಡ್ ಅಲ್ಲ್ ಬೀದಿ ದೀಪ-
ಗಿರ್ಕಿ ವೊಡೀತ್ ಪಾಪ!
ತಿರ್ ತಿರ್ ತಿರ್ ತರ್ ತಿರ್ಗ್ತಾ
ತೂರಾಡ್ತದೆ ತೂಗ್ತಾ!
ಇಲ್ಲ್ ಇರೋ ಒಂದಕ್ಕಾನ
ಸೋದೀನ್ ಇಲ್ಲ ಗ್ನಾನ!
ಸಾಲಾಗ್ ನಿಂತವೆ ನಟ್ಟು-
ಯೆಂಡ ಕುಡದ್ಬುಟ್ಟು! ೩
ದೊಡ್ದು ಚಿಕ್ದು ಎಲ್ಲಾ-
ನೋಡ್ದ ಅವಗೊಳ್ ಗುಲ್ಲ!
ಇವರು ಕುಡದೊರ್ ಮದ್ಧ
ನಂಗೆ ಮಾತ್ರ ಸುದ್ಧ!
ಯೆಂಡ ಕುಡದೊರ್ ನಡಮೆ
ನಮಗೆ ಮಾನಕ್ ಕಡಮೆ!
ಯೆಂಡದ್ ಅಂಗಡೀಗಾನ
ಅದಕೇ ಇಂತಿರಗೋನ! ೪
*****
