ಎಷ್ಟು ಯತ್ನಿಸಿದರು ಏನು ಮಾಡಿದರು
ಮನುಷ್ಯ ಮೂಲದಲ್ಲಿ ದಿಗಂಬರ
ಬೆಳಕಿಗೆ ಬಂದರು ಕತ್ತಲಲುಳಿದರು
ಅವ ಅಂತ್ಯದಲ್ಲಿ ದಿಗಂಬರ
ಮೂಲದಲ್ಲು ದಿಗಂಬರ ಅಂತ್ಯದಲ್ಲು ದಿಗಂಬರ
ಮಧ್ಯದಲ್ಲಂತು ಯಾವತ್ತು ದಿಗಂಬರ
ಮುಚ್ಚಿದರು ದಿಗಂಬರ ಬಿಚ್ಚಿದರು ದಿಗಂಬರ
ಮುಚ್ಚಿದರೆ ಆತ ಮುಚ್ಚಿರುವುದೇ ದಿಗಂಬರ
ಉಟ್ಟರು ದಿಗಂಬರ ಉಡದಿದ್ದರು ದಿಗಂಬರ
ಉಟ್ಟರೆ ಆತ ಉಟ್ಟಿರುವುದೇ ದಿಗಂಬರ
ನಟಿಸಿದರು ದಿಗಂಬರ ನಟಿಸದಿದ್ದರು ದಿಗಂಬರ
ನಟಿಸಿದರೆ ಆತ ನಟಿಸುವುದೆ ದಿಗಂಬರ
ದಿಗಂಬರನಾಗುವ ಇಚ್ಛೆಯೆ ದಿಗಂಬರ
ಆಗದಿದ್ದರಾಗಬಾರದೆಂಬ ಹಟವೆ ದಿಗಂಬರ
ಆದರು ದಿಗಂಬರ ಆಗದಿದ್ದರು ದಿಗಂಬರ
ಮೇಲೆ ಎಂತೊ ಅಂತೆ ಅವನ ಕೆಳಗು ಕೂಡ ದಿಗಂಬರ
ಹಿಂದೆ ಹೇಗೆ ಮುಂದೆ ಹಾಗೆ
ಎಂದೆಂದೂ ದಿಗಂಬರ
ಎಲ್ಲೆಲ್ಲೂ ದಿಗಂಬರ
ಆಗುವಂತೆಯೇ ಆಗದಿರುವುದೂ ದಿಗಂಬರ
ಶ್ವೇತಾಂಬರ ಪೀತಾಂಬರ ಎಲ್ಲ ಅಂಬರ ದಿಗಂಬರ
*****
