ಕಾಪಾಡು ತಂದೆ

ನನಗೊಂದೆ ಕಾಡಿದೆ ನಿತ್ಯವೂ ವ್ಯಾಕುಲತೆ
ಅವನ ದರುಶನಕ್ಕೆ ಮನವು ಹಾ ತೊರೆದಿದೆ
ನನ್ನಂತರಂಗದಲಿ ನಿತ್ಯ ಅವನ ಧ್ಯಾನ
ಎಂದಿಗಾಗುವುದೊದರುಶನ ಮನವು ಬೇಡಿದೆ

ಬಾಳಿನಲಿ ಯಾರು ಯಾರಿಗೊ ನಾನು
ನನ್ನ ಮನಸ್ಸನ್ನು ಪೂರ್‍ಣ ಅರ್ಪಿಸಿದೆ
ನನ್ನೊಡೆಯಗೆ ಮರೆತು ನಿತ್ಯವೂ ನಾನು
ವಿಷಯ ಸುಖಗಳಿಗಾಗಿ ಹಪಹಪಿಸಿದೆ

ನನ್ನ ಮಾನಾಪಮಾನಗಳಿಗಾಗಿ ನಾನು
ನಿತ್ಯವೂ ಲೋಕದಲಿ ಅಹಂಕಾರ ಪ್ರದರ್‍ಶಿಸಿದೆ
ನನ್ನನ್ನು ಶ್ರೇಷ್ಠ ಎನಿಸಿಕೊಳ್ಳಲು ದುತ್ತೆ
ಏನೇನೋ ಕಸರತ್ತುಗಳನ್ನ ನಾ ಮಾಡಿದೆ

ಈಗ ಅವನದೆ ಧ್ಯಾನ ನನ್ನ ಹೃದಯದಲಿ
ಅವನ ಸಾಕ್ಷಾತ್ಕಾರವೊಂದೇ ನನ್ನ ಉದಯದಲಿ
ಲೌಕಿಕ ಸುಖ ದುಃಖಗಳಿಗೆ ಬಹುನೊಂದಿದೆ
ಮಾಣಿಕ್ಯ ವಿಠಲನಾಗಿಸಿ ಕಾಪಾಡು ತಂದೆ
*****