ದೀಪ

ಮಿನುಗುವಾ ದೀಪಗಳೇ ಸಾಗಿಬನ್ನಿ
ಮಮತೆಯ ತೈಲ ದೀಪದೊಳು ತುಂಬಿಸಿ
ತನುವ ಬತ್ತಿಯ ಮಾಡಿ ಹಚ್ಚುವೆನು ದೀಪ
ಬೆಳಗಿಸುವೆ ನಾ ಸಾಲು ಸಾಲಾಗಿ ಜೋಡಿಸಿ

ಮಿಂಚು ಹುಳುವಿನಂತೆ ಜೊತೆಯಲ್ಲಿ ಬನ್ನಿ
ನಾನಿಡುವಾ ಅಡಿಗೆ ಬೆಳಕಾಗಿ ನಿಲ್ಲಿ
ನನ್ನ ಬದುಕಿಗೆ ಜೊತೆಯಾಗಿ ನೀನಿರಲು
ನಿನ್ನ ಹಾಗೆ ಬಾಳುವ ಆಸೆ ಅತಿಯಾಗಿರಲು

ಲೋಕದ ಕತ್ತಲೆಯ ಕಳೆಯುವ ನೀನು
ನನ್ನ ಮಸ್ತಕದ ಜ್ಞಾನ ದೀಪ ಉರಿಸು ಇನ್ನು
ಮನಗಳ ಕತ್ತಲೆಯ ನಾ ಕಳೆಯಬೇಕಿನ್ನು
ಜ್ಞಾನದಾ ಜ್ಯೋತಿಯಾಗಿ ಮಾಡು ನನ್ನನ್ನು

ದೀಪದಿಂದ ದೀಪವ ಬೆಳಗುತ ಸಾಗುವಂತೆ
ಮನದಿಂದ ಮನೆಗಳ ತಮವನ್ನ ಕಳೆಯುವ
ಜಗಕೆಲ್ಲ ಜ್ಞಾನದಾ ಜ್ಯೋತಿಯ ಬೆಳಗಿಸುವ
ಶಕ್ತಿಯನ್ನು ನನಗೆ ಕರುಣಿಸು ಬಾ ದೀಪವೇ
*****