ಹರಿ ಮುಕುಂದ ನೀನೆ ಸರ್ವ
ನಿನ್ನಿಂದಲೆ ಈ ಬಾಳಿಗೊಂದು ಪರ್ವ
ನಾಳಿನ ಬಾಳಿಗೆ ನೀನೇ ಹಿತೈಷಿ
ನನ್ನ ಬದುಕಿಗೆ ನೀ ನಾದೆ ಖುಷಿ
ಹಗಲು ಇರಳು ಮಾಡಿ ನಿನ್ನ ಧ್ಯಾನವ
ಮತ್ತೆ ಪಡೆಯುತ್ತಿರುವೆ ಆತ್ಮ ಜ್ಞಾನವ
ನಿನ್ನ ನೆನಪೊಂದು ಅಮೃತದ ಪಾನ
ನಿನ್ನ ಸಾಮಿಪ್ಯದ ದರುಶನವ ಸೋಪಾನ
ನಿನ್ನಲ್ಲಿ ಬೇಡಿಕೊಂಬೆ ನಾನೊಂದು
ಅದೇ ನಿನ್ನದರುಶನ ನೀಡೋ ಹರಿ
ನಿನ್ನ ಕಂಡವರಿಗೆ ಇನ್ನೊಂದು ಬೇಕಿಲ್ಲ
ಏಕೆಂದರೆ ಅಲ್ಲೆ‌ಎಲ್ಲವೂ ಬೇರೆನಿಲ್ಲ
ನನ್ನ ಪೂರ್ವಜರ ಪುಣ್ಯ ಇರಲಿ
ನನ್ನ ಗುರು ಹಿರಿಯರ ಕೃಪೆ ಇರಲಿ
ನನ್ನ ಪ್ರಾರ್ಥನೆ ನಿತ್ಯ ಹೀಗೆ ಸಾಗಿರಲಿ
ಮಾಣಿಕ್ಯ ವಿಠಲನಿಗೆ ಹರಿ ಸಂದಿಸಿರಲಿ
*****