ಕಾಡೋಳಾಯ್ತು ಅಲಾವಿಯಾಡಿದರಾರೋ
ನಾಡೊಳಗ ಐಸುರ ನೋಡಿದರಾರೋ ||ಪ||
ಪಂಜ ತಾಬೂತ ಪೂಜೆಮಾಡಿದರಾರೋ
ಹುಂಜನ ಕೊಯ್ದು ತಿಂದವರ್ಹೆಸರ್ಹೇಳಿ ಸಾರೋ ||೧||
ಒಂದ ಕುಡಕಿಯೊಳು ಹಣಹಾಕಿದರಾರೋ
ನಜರಿಟ್ಟು ದಾಳಿಂಬರಗೊನಿ ಊರಿದರ್ಯಾರೋ ||೨||
ಮುಲ್ಲನ ಮಸೀದಿಗ್ಹೋಗಿ ಬೆಲ್ಲ ಓದಿಸಿದರಾರೋ
ಕಲ್ಲಿನೊಳು ಕರ್ಬಲ ಕಂಡವರಾರೋ ||೩||
ಶಿಶುನಾಳ ಶಾಹಿರ ಹಾಡಿದರಾರೋ
ದಶದಿನದೊಳು ಇದರ ಉತ್ತರ ತಂದು ಸಾರೋ ||೪||
*****
Latest posts by ಶಿಶುನಾಳ ಶರೀಫ್ (see all)
- ಆಶಮಾಡಿ ಪಾಶಕ ಬಿದ್ದಿತೋ ಚಿಗರಿ - April 22, 2013
- ನವಾಬಿ ಮಲ್ಲಿಗಿ ಹೂವಿನ ಗಜರಾ - April 17, 2013
- ಭೂಪಾರದೊಳಗೆ ಮದೀನಶಹರದೊಳು - April 15, 2013