ಬಾರೈ ಬಾರೈ ಹೋಳಿ ಕಾಮಾ
ಹೋಳಿಗೆ ನಿನ್ನಾ ಮಾಡೂವೆ
ನಿನ್ನಾ ಕಾಳು ಬ್ಯಾಳಿ ಕುಚ್ಚಿ
ಯೋಗಾ ಬೆಲ್ಲಾ ಹಾಕೂವೆ
ರುಬ್ಬೀ ರುಬ್ಬೀ ಗುಬ್ಬಿ ಮಾಡಿ
ನಿನ್ನಾ ಹೂರ್ಣಾ ರುಬ್ಬೂವೆ
ಯೋಗಾ ಆಗ್ನಿ ಹಂಚು ಮಾಡಿ
ಬಿಸಿಬಿಸಿ ಹೋಳ್ಗೀ ಮಾಡೂವೆ
ಶಿವನೇ ಬಂದಾ ಎಂಥಾ ಚಂದಾ
ಹೋಳ್ಗೀ ತುಪ್ಪಾ ನೀಡಯ್ಯಾ
ಕಾಮನ ಹಬ್ಬಾ ತಿಪ್ಪರ ಲಾಗಾ
ರಾವಣ ಸೋಗೂ ಸಾಕಯ್ಯಾ
ಸತ್ತಾ ಕಾಮಾ ಸುತ್ತಾ ನಿಂತು
ಖುಶಿಖುಶಿ ಓಕ್ಳಿ ಉಗ್ಗೂವೆ
ಬಣ್ಣಾ ಗಿಣ್ಣಾ ಸುಣ್ಣಾ ಕಣ್ಣಾ
ಶಿವನಾ ಸುಗ್ಗೀ ಮಾಡೂವೆ
ಹೋಳ್ಗೀ ಉಣ್ಣೂ ಹೋಳೀ ಆಡು
ಸೈಸೈ ತತ್ತ್ವಾ ನೀ ಕಾಣು
ಹೋಳ್ಗೀ ಉಂಡು ಅಂಬ್ಲೀ ಯಾಕೊ
ಒಬ್ನೇ ಶಿವನಾ ನೀಕಾಣು
*****
