ಬಿಲ ಮತ್ತು ಗುಹೆ

ಅಣ್ಣಾ ಅಣ್ಣಾ ಇಲಿಯಣ್ಣ
ಎಲ್ಲಿದೆ ನಿನ್ನ ಮನೆಯಣ್ಣ?

ಆಹಾ ಪುಟ್ಟ
ಮಣ್ಣೊಳಗಿದೆ ಮನೆ
ಮನೆ ಹೆಸರು ಬಿಲ
ಮಹಾಬಿಲೇಶ್ವರ ನಾನಯ್ಯ

ಬಿಲವೆಂದರೆ ಅದು ಸ್ವರ್ಗ
ಅಂಥಾ ಗೃಹ ಇನ್ನೊಂದಿಲ್ಲ
ಇಳಿದರೆ ಇಳಿದಷ್ಟು ಕೊರೆದರೆ ಕೊರೆದಷ್ಟು
ಮಹಡಿಯ ಕೆಳಗೆ ಮಹಡಿಗಳು
ಕೋಣೆಗಳೊಳಗೆ ಕೋಣೆಗಳು
ಎಡ ಬಲ ದಾಯೇಂ ಬಾಯೇಂ
ಎಲ್ಲಾ ಬಿಲ ಅಹೋಬಿಲ
ಅಹೋಬಿಲ ಇಹೋಬಿಲ
ಯಾವುದೆ ಇಲ್ಲ ಕೋಲಾಹಲ
ಬಿಸಿಲಿಗೆ ತಣ್ಣನೆ ಥಂಡಿಗೆ ಬೆಚ್ಚನೆ
ಏ.ಸೀ. ಗೀಸೀ ತೆಗೆದು ಬಿಸಾಕು
ತಿನ್ನಲು ಕುರುಕುರು ಇದ್ದರೆ ಸಾಕು

ಅಣ್ಣಾ ಅಣ್ಣಾ ಹುಲಿಯಣ್ಣಾ
ಎಲ್ಲಿದೆ ನಿನ್ನೆ ಮನೆಯಣ್ಣ?
ಆಹಾ ಪುಟ್ಟ
ಕಲ್ಲೊಳಗಿದೆ ಮನೆ
ಮನೆ ಹೆಸರು ಗುಹೆ
ಗುಹೆಯೆಂದರೆ ಅದು ಅಮರ್ತ್ಯಲೋಕ
ಬೆಟ್ಟದ ಕಿಬ್ಬಿಗೆ ಬಂಡೆಯ ತಬ್ಬಿಗೆ
ದೇವರೆ ಮಾಡಿದ ಸಹಜ ಮನೆ
ಒಂದೇ ಬಾಗಿಲು ಒಂದೇ ಹಾಲು
ಕಿಟಿಕಿ ಗಿಟಿಕಿಯ ರಗಳೆಯೆ ಇಲ್ಲ
ಕಳ್ಳಕಾಕರ ಭಯವೂ ಇಲ್ಲ
ಬಿಸಿಲು ಮಳೆಗಳು ಬೀಳುತ್ವೆ ಹೊರಗೆ
ಒಳಗಡೆ ಕುಳಿತು ನೋಡ್ತೇವೆ ಹೊರಕ್ಕೆ
ಬೇಕಾದ್ದು ಒಂದಿಷ್ಟು ತಿಂಡಿಯ ವ್ಯವಸ್ಥೆ
ಇನ್ನುಳಿದಂತೆ ಭಾರೀ ನಿದ್ದೆ

ಪುಟ್ಟನೆಂದನು ಅಮ್ಮನಿಗೆ
ನಾನಿನ್ನು ಬಿಲದಲ್ಲಿ
ಅಥವಾ ಗುಹೆಯಲ್ಲಿ
ಒಂದಿನ ಬಿಲದಲ್ಲಿ
ಒಂದಿನ ಗುಹೆಯಲ್ಲಿ
ಮಹಾಬಿಲೇಶ್ವರ ಮಹಾ ಗುಹೇಶ್ವರ
ಎರಡೂ ನಾನೇ ಆಗ್ತೀನಮ್ಮ

ಊಟ ತಿಂಡಿ ಅಲ್ಲಿಗೆ ಬರಲಿ
ಉಳಿದ ವಿಚಾರ ನನಗೇ ಇರಲಿ!
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಗಂಗಜ್ಜಿ
Next post ಚೈತ್ರ

ಸಣ್ಣ ಕತೆ

  • ಮೈಥಿಲೀ

    "ಹಾಗಿದ್ದರೆ, ಪಾಪವೆಂದರೇನು ಗುರುಗಳೇ?" ಕಣ್ಣು ಮುಚ್ಚಿ ಧ್ಯಾನಾಸಕ್ತರಾದ ಯೋಗೀಶ್ವರ ವಿದ್ಯಾರಣ್ಯರು ಕಣ್ತೆರೆಯಲಿಲ್ಲ. ಅಪ್ಪನ ಪ್ರಶ್ನೆಗೆ ಉತ್ತರ ಕೊಡಲಿಲ್ಲ. ತೇಜಪುಂಜವಾದ ಗಂಭೀರವಾದ ಮುಖದ ಮೇಲೊಂದು ಮುಗುಳುನಗೆ ಸುಳಿಯಿತು ಅಷ್ಟೇ!… Read more…

  • ಅವರು ನಮ್ಮವರಲ್ಲ

    ಪೇದೆ ಪ್ರಭಾಕರ ಫೈಲುಗಳನ್ನು ನನ್ನ ಟೇಬಲ್ ಮೇಲೆ ಇಟ್ಟು, ‘ಸರ್ ಸಾಹೇಬರು ನಿಮ್ಮನ್ನು ಕರೆಯುತ್ತಿದ್ದಾರೆ’ ಎಂದು ಹೇಳಿ ಮಾಮೂಲಿನಂತೆ ಹೊರಟು ಹೋದ. ಸಮಯ ನೋಡಿದೆ. ೧೦:೩೦ ಗಂಟೆ.… Read more…

  • ಅಮ್ಮ

    ‘ಅಮ್ಮನ್ಗೆ ಯಿಡೀ ರಾತ್ರೆಲ್ಲ ವಾಂತಿ ಭೇದಿ ವುಬ್ಸ ಆಯಾಸ... ಕುತ್ರೂಸಾ... ಬಾಳಾ ಯೆಚ್ಕುಡ್ಮೆಯಾಗಿ ರಾಮ್ಪಾರ್ದ ಡಾಕಿಟ್ರಾತ್ರ ತೋರ್ಸಿದ್ರು ಗುಣಾಗಿಲ್ಲ! ನೀ ಆದಷ್ಟು ಗಡಾನೇ ವೂರ್ಗೆ ಬಾಣ್ಣ...’ ಸೇಕ್ರಿ,… Read more…

  • ಬಲಿ

    ಅವಳು ಭಾಗಶಃ ಚಟ್ಟೆಯಾದ ಕಪ್ಪು ಬಣ್ಣಕ್ಕೆ ತಿರುಗಿದ ಅಲ್ಯೂಮೀನಿಯಂ ತಟ್ಟೆಯೊಳಗೆ ಸ್ವಲ್ಪ ಹಾಲು ಸುರಿದು ಅದಕ್ಕೆ ಸ್ವಲ್ಪ ನೀರನ್ನು ಬೆರೆಸಿ, ಒಲೆಯ ಮೇಲಿಟ್ಟು ಮುಚ್ಚಳ ಮುಚ್ಚಿದಳು. ಒಲೆಯ… Read more…

  • ಕರಿ ನಾಗರಗಳು

    ಚಿತ್ರ: ಆಂಬರ್‍ ಕ್ಲೇ ಇಶಾಂ ನಮಾಜಿಗೆ (ರಾತ್ರೆಯ ನಮಾಜು) ಮೊದಲು ಅರಬ್ಬಿ ಪುಸ್ತಕವನ್ನು ಬ್ಯಾಗಿನೊಳಗಿಟ್ಟುಕೊಂಡು, ಅದನ್ನು ದುಪಟ್ಟದೊಳಗೆ ಮರೆ ಮಾಡಿಕೊಂಡು ಓಡಿ ಬಂದ, ತರನ್ನುಮ್‌ ನೀರು ಹರಿಯುತ್ತಿದ್ದ… Read more…

cheap jordans|wholesale air max|wholesale jordans|wholesale jewelry|wholesale jerseys