ಕನ್ನಡ ನಲ್ಬರಹ ತಾಣ
ಹೋಗಲೇಬೇಕು ನಾನೀಗಲೇ
ಬಾಡುತಿದೆ ಮಲ್ಲಿಗೆ ಆಗಲೇ
ಸಮಯವೊ ಜಾರುತಿದೆ ಮೆಲ್ಲಗೆ-ನಿಲ್ಲದೆ
ಹೋಗಲೇಬೇಕು ನಾನೀಗಲೇ
ಕಿಡಿತಾಗಿ ಯೌವನದ ಧೂಪ ಹೊಗೆಯಾಡಿದೆ
ಎಲ್ಲೆಲ್ಲು ಪರಿಮಳದ ಬಳ್ಳಿಗಳ ಚೆಲ್ಲಿದೆ.
ಈ ಎಲ್ಲ ಸಂಭ್ರಮ ಆರಿಹೋಗುವ ಮುನ್ನ
ಪರಿಮಳದ ನಾಡಿಗೇ ಧಾಳಿ ಹೂಡುವ ನನ್ನ
ಇನಿಯನಿರುವಲ್ಲಿಗೆ, ತಿಳಿಯದೊಲು ಮೆಲ್ಲಗೆ
ಹೋಗಲೇಬೇಕು ನಾನೀಗಲೇ
ತೆರೆಯಿತದೊ ಮುಚ್ಚಿದ ಕೇದಗೆಯ ಬಾಗಿಲು
ಜನುಮ ಜನುಮದ ಸ್ನೇಹ ಕೈ ಮುಗಿದು ಬೇಡಲು
ಕಾಯುತಿದೆ ಮಲ್ಲಿಗೆಯ ಮಂಚ ಅಲ್ಲೀಗಲೂ
ನಲ್ಲನಿಗೆ ಬೆಲ್ಲವಾಗುತ ಇಲ್ಲವಾಗಲು
ಹೋಗಲೇಬೇಕು ನಾನೀಗಲೇ
*****
ಪುಸ್ತಕ: ನಿನಗಾಗೇ ಈ ಹಾಡುಗಳು
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
