೧
ಓಂ ನಮಃ ಶ್ರೀ ಪ್ರಣವ! ನಿನಗೆ ಪೃಥ್ವೀಪಿತಗೆ
ನಿನ್ನ೦ತರಂಗದೊಳು ವಿಶ್ವಾಂತರಂಗಗಳು
ಕಣ್ಣಿಗೊಪ್ಪುವ ಕೃಷ್ಣರೂಪವೇ ನನ್ನದೀ
ಪ್ರೇಮಪ್ರಣಾಮ ನಿನಗೆ!
೨
ಕೂತು ಕಂಗೊಳಿಸುತಿಹೆ ಜಗದ ಜಗಲಿಯನೇರಿ
ಪ್ರೀತಿಯನ್ನಾತಂಥ ಚೈತನ್ಯ- ದಾತೃವೇ!
ಜ್ಯೋತಿಯೇ ಜೀವಿತಂಗಳ ಜಗಚ್ಚೇತೃವೇ!
ಸಾಷ್ಟಾಂಗ ನಮನ ನಿನಗೆ!
೩
ಈ ಜಗದ ಓಜಸ್ಸೆ ಮೂಜಗದ ತೇಜಸ್ಸೆ!
ರಾಜಿಸಿ ವಿರಾಜಿಸುವ ಭೂವೃಕ್ಷಬೀಜವೇ!
ಸೌಜನ್ಯದಲಿ ಮಣಿವೆ ಮೂರು ಮೂರ್ತಿಗಳೊಂದೆ
ಮೂರ್ತಿಯಾದಂಥ ನಿನಗೆ!
೪
ಯೋಗಿಗಳ ಯೋಗವೇ! ಭೋಗಿಗಳ ಬೋಗವೇ!
ಯೋಗಭೋಗಂಗಳ ಸುಯೋಗದಿಂ ತೈಲೋಕ್ಯ
ತ್ಯಾಗಯಾಗವನು ಸಾಗಿಸುವಂಥ ರಾಗವೇ
ಬಾಗುವೆನು ನಾನು ನಿನಗೆ!
೫
ಖೇದವನ್ನೇ ನಾದಿ ಮೋದವನು ಮಾಡಬ-
ಲ್ಲಾದ ಮಾಧುರ್ಯವೇ! ನಿನದಿಸದ ನಾದವೇ!
ವೇದವೇದಾಂತವುಸುರಿದ ಪ್ರಾಣ! ನನ್ನೈದು
ಹರಣಗಳ ಶರಣು ನಿನಗೆ!
*****
