ಶ್ರುತಿ

ಶ್ರುತಿಯೆ ಬೆಳಕು
ಬಾಳಿನಂದದ ರೂಪಕೆ
ನಭದೆ ದನಿಯ ಆನಂದಹೊನಲಸುರಕೆ||
ಕರವ ಮುಗಿದು ಬೇಡುವಂದದಿ ತಾಯೆ||

ಒಲವಿಂದ ವೃಂದದಲಿ ಕೂಡಿ ನಲಿದು
ಬಾರೆ ಬಾರೆ ಜಗವ ತಣಿಸುತಲಿ
ಕುಣಿದು ನಲಿದು ಮನವ ತಣಿಸೆ
ಆನಂದದಲಿ ಕೂಡಿ ಒಲಿದು
ಬಾರೆ ಬಾರೆ ಬಾ ತಾಯೆ

ಶೃಂಗಾರ ಕಾವ್ಯದಲ್ಲಿ ಹೊನ್ನ ಕುಂಚದಲ್ಲಿ
ನಲಿವ ನಾಟ್ಯ ಸಮರಸ ಭಾವದೊಲುಮೆಯಲಿ
ನಲಿಯೆ ಒಲಿಯೆ ಬಾರೆ ಬಾರೆ ಬಾ ತಾಯೆ
ಬೆಡಗಿನಂದದ ರೂಪದಲಿ ಹರುಷದ
ಹೊನಲ ಚಿಮ್ಮಿ ಬಾರೆ ತಾಯೆ||

ಬಾರೆ ಬಾರೆ ಬಾ ತಾಯೆ
ಕರವ ಮುಗಿವೆ ವರ ಒಂದ ಬೇಡುತ
ಭಕುತಿಯಿಂದಲಿ ಶರಣೆಂದೆ ತಾಯೆ
ಪೊರೆಯೆ ಬಾ ಬಾರೆ ತಾಯೇಽಽಽಽ
ಕರುಣಾಸಾಗರಿ ಆನಂದ ವಿಹಾರಿ
ನಮೋ ನಮೋ ನಮಿಸುವೆ ದೇವಿಯೆ.
*****