ಮತ್ತೆ ಮತ್ತೆ…

ಒಂದಿಷ್ಟೇ ಹೀರಿ
ಪಕ್ಕಕ್ಕಿಟ್ಟಿದ್ದ
ಕಾಫಿ ಕಪ್ಪಿನೊಳಗೆ
ಭರ್ರನೆ ಹಾರಿ ಬಂದ
ಪಾಪದ ನೊಣ
ಸರ್ರನೆ ಬಿದ್ದಾಗ
ಕರುಳು ಚುರ್ರೆಂದು
ಎರಡೇ ಬೆರಳು
ಕಾಫಿಯಲ್ಲಿ ಅದ್ದಿ
ನೊಣ ಹೊರತೆಗೆದೆಸೆದು
‘ಜೀವ ಉಳಿಸಿದೆ’
ಎಂದು ಬೀಗುವಾಗ

ರೆಕ್ಕೆ ಕೊಡವಿ
ಫಕ್ಕನೆದ್ದ
ಅದೇ ನೊಣವು ಮತ್ತೆ
ಮತ್ತೆ ಕಾಫಿ ಕಪ್ಪಿನೊಳಗೇ
ಹಾರಿಬಿದ್ದು
ರೆಕ್ಕೆಯಾಡಿಸಿ
ಮೀಸೆ ತಿರುವಿ
ನಗುವಾಗ

ಇದೇನು
ಮನರಂಜನೆಗಾಗಿ ಈಜೋ
ಕಾಫಿ ಕುಡಿಯುವ ಮೋಜೋ
ಮನೋವ್ಯಥೆಯಿಂದ
ಆತ್ಮಹತ್ಯೆಯೋ
ಕಾಫಿ ಕಪ್ಪಿಗೆ ಬಿದ್ದು
ಗೆಲ್ಲುವ ಚಾಲೆಂಜೋ?
ಅರ್ಥೈಸುವುದು ಹೇಗೆ?
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಸಾಮಗ್ರಿ
Next post ಅಣುಶಕ್ತಿಗಡಿಯಾರ

ಸಣ್ಣ ಕತೆ

  • ಕಳ್ಳನ ಹೃದಯಸ್ಪಂದನ

    ಅದು ಅಪರಾತ್ರಿ ೨ ಘಂಟೆ ಸಮಯ. ಎಲ್ಲರೂ ಗಾಢ ನಿದ್ರೆಯಲ್ಲಿದ್ದರು. ಊರಿನಿಂದ ಸ್ವಲ್ಪ ದೂರವಾಗಿದ್ದ ಕಲ್ಯಾಣ ನಗರದ ಬಡಾವಣೆ, ಅಷ್ಟಾಗಿ ಹತ್ತಿರ ಹತ್ತಿರವಲ್ಲದ ಮನೆಗಳು, ಒಂದು ವರ್ಷದ… Read more…

  • ಧರ್ಮಸಂಸ್ಥಾಪನಾರ್ಥಾಯ

    ಕಪಿಲಳ್ಳಿಯ ಏಕೈಕ ಸಂರಕ್ಷಕ ಕಪಿಲೇಶ್ವರನ ವಾರ್ಷಿಕ ರಥೋತ್ಸವದ ಮುನ್ನಾದಿನ ಧಾರ್ಮಿಕ ಪ್ರವಚನವೊಂದನ್ನು ಏರ್ಪಡಿಸಲೇಬೇಕೆಂದೂ, ಇಲ್ಲದಿದ್ದರೆ ಜಾತ್ರಾ ಮಹೋತ್ಸವಕ್ಕೆ ತನ್ನ ಸಪೋರ್ಟು ಮತ್ತು ಕೋ-ಆಪರೇಶನ್ನು ಬಿಲ್ಲು ಕುಲ್ಲು ಸಿಗಲಾರದೆಂದೂ,… Read more…

  • ಬಾಳ ಚಕ್ರ ನಿಲ್ಲಲಿಲ್ಲ

    ತಂದೆಯ ಸಾವು ಕುಟುಂಬವನ್ನೇ ಬೀದಿಪಾಲು ಮಾಡಿತು. ಹೊಸಪೇಟೆಯ ಚಪ್ಪರದ ಹಳ್ಳಿಯಲ್ಲಿ ವಾಸವಾಗಿದ್ದ ಇಮಾಮ್ ಸಾಬ್ ಹಾಗೂ ಝೈನಾಬ್ ದಂಪತಿಗಳಿಗೆ ೬ ಹೆಣ್ಣು ಮಕ್ಕಳು, ಒಂದು ಗಂಡು ಮಗು.… Read more…

  • ಅಂತರಂಗ ಶುದ್ಧಿ ಬಹಿರಂಗ ಶುದ್ಧಿ

    ಸ್ವಾಮೀಜಿಗಳಿಗೆ ಈವತ್ತಂತೂ ಮೈ ತುರಿಸಿಕೊಳ್ಳಲೂ ಪುರುಸೊತ್ತಿಲ್ಲ. ಹಲವು ಕಾರ್ಯಕ್ರಮಗಳ ಒತ್ತಡ, ರಾಜಕಾರಣಿಗಳ ಭೇಟಿ ಜೊತೆಗೆ ತಂಡೋಪತಂಡವಾಗಿ ಆಶೀರ್ವಾದ ಬೇಡಿ ಬರುವ ಭಕ್ತರ ಕಿರಿಕಿರಿ. ಇದರ ಮದ್ಯೆ ಜಪತಪ,… Read more…

  • ಜಡ

    ಮಾರಯ್ಯನನ್ನು ಅವನ ಹಳ್ಳಿಯಲ್ಲಿ ಹಲವರು ಹಲವು ಹೆಸರುಗಳಿಂದ ಕರೆಯುತ್ತಿದ್ದರು. ಹಾಗಾಗಿ ಅವನ ನಿಜವಾದ ಪೂರ್ತಿ ಹೆಸರು ಮಾರಯ್ಯನೆಂಬುವುದು ಸಮಯ ಬಂದಾಗ ಅವನಿಗೆ ಒತ್ತಿ ಹೇಳಬೇಕಾಗಿ ಬರುತ್ತಿತ್ತು. ಅಂತಹ… Read more…