ಹನಿಗಳು ಒಡೆದ ಸಂಜೆ

ಒಂದು ದೀರ್ಘ ಮಳೆಗಾಲದ ಸಂಜೆ
ಹೆದ್ದಾರಿ ಹಾವಿನಂತೆ ಫಳಫಳ ಹೊಳೆಯುತ್ತಲಿದೆ.
ಒಂದು ಖಚಿತ ಧ್ವನಿಯಲ್ಲಿ ಕತ್ತಲೆ ನನ್ನ ಕಿಟಕಿಯ
ಹಾಯ್ದು ಬಂದಿದೆ. ಮೈ ಕೊರೆಯುವ ಚಳಿಯ
ಮಬ್ಬಿನಲಿ ಒಲೆಯು ನೀಲಿ ಜ್ವಾಲೆಯ ಉಗುಳುತ್ತಿದೆ.
ಮತ್ತು ಚಹಾ ಕುದಿಯುತ್ತಿದೆ.

ಆಗ ಒಂದು ನಿವೇದನೆಯ ಪತ್ರ ಬರೆದೆ.
ದುಂಡಾದ ಮೇಜಿನ ಮೇಲೆ ಚಹಾ ಕಪ್ಪುಗಳು
ಸಪ್ಪಳ ಹರಡಿ ಕೂತಿವೆ. ಮತ್ತೆ ಮಾಳಿಗೆಯಿಂದ
ಹನಿಗಳು ಜಂಪಲು ಹಿಡಿದಿವೆ, ಒರಗಿ ಕುಳಿತ
ತಲೆದಿಂಬಿನ ಕವರಿನ ಮೇಲೆ ಯಾರದೋ ವಿಷಾದ
ಹರಡಿದೆ, ಮತ್ತೆ ಮಳೆ ಜೋರಾಗಿ ಬರುತ್ತಿದೆ.

ಸ್ವಲ್ಪ ಹೊತ್ತು ಮಾತುಗಳು ಮೂಕವಾಗಿ
ಮೂಲೆ ಹಿಡಿದು ಕುಳಿತಿವೆ. ಯಾರೂ ಇಲ್ಲದ ಮನೆ
ಕೌನೆರಳು ಹಾಸಿದೆ. ಒಂದು ವಿರಹ ಗೀತೆ ಮತ್ತು
ಕಥೆಗಳು ಹೇಳದ ಧ್ವನಿಗಳು, ಈ ಸಂಜೆ ಒಂದು
ಮೆರವಣಿಗೆ ಹೋಗಿವೆ. ಮತ್ತೆ ಒಂದು ವಿರಾಮ
ಕೋಣೆಯಲಿ ತುಂಬಿದೆ ಮಳೆ ಹೊಯ್ಯುತಿದೆ.

ಮೋಡಗಳು ಬಾಗಿಲಿಗೆ ಬಂದು ನಿಂತಿವೆ. ಒಳಗೆ
ಬಿಕ್ಕುಗಳು ಯಾವುದೂ ಸರಳವಲ್ಲ ಎಂಬ ಮಾತಲಿ
ಮೌನದ ಕಂಬಳಿ ಹೊದ್ದು ಮಲಗಿವೆ, ಗೋಡೆ ಮೇಲೆ
ಹಲ್ಲಿ ಲೊಚಗುಡುತ್ತಿದೆ. ಸ್ವಲ್ಪ ಅಳು
ಸಂಜೆಗತ್ತಲಲಿ ಅಡಗಿ ಕುಳಿತಿದೆ. ಯಾರೋ ಮನೆಯ
ಸುತ್ತ ಸುಳಿದಾಡುತ್ತಿದ್ದಾರೆ. ಮತ್ತೆ ಹನಿ ಜೋರಾಗಿ ಒಡೆದಿದೆ.
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ನಮ್ಮ ದೇಶ ಭಾರತ
Next post ಆಕಳು ಅಂಬಾ! ಅನ್ನುತಿದೆ!

ಸಣ್ಣ ಕತೆ

  • ಮೌನರಾಗ

    ಇಪ್ಪತ್ತೊಂಬತ್ತು ದಾಟಿ ಮೂವತ್ತಕ್ಕೆ ಕಾಲಿರಿಸುತ್ತಿದ್ದ ಸುಧೀರ್ ಮದುವೆಯ ಬಗ್ಗೆ ತಾಯಿ ಸೀತಮ್ಮ, ತಂದೆ ರಂಗರಾವ್ ಅವರಿಗೆ ಬಹಳ ಕಾತುರವಿತ್ತು. ಹೆಣ್ಣುಗಳನ್ನು ಸಂದರ್ಶಿಸಲು ಒಪ್ಪದೇ ಇದ್ದ ಸುಧೀರನ ಮನೋ… Read more…

  • ಆನುಗೋಲು

    ರೈಲು ನಿಲ್ದಾಣದಲ್ಲಿ ನಿಂತಿತು! "ಪೇಪರ! ಡೇಲಿ ಪೇಪರ!........ಟಾಯಿಮ್ಸ, ಫ್ರೀ ಪ್ರೆಸ್, ಸಕಾಳ! ಪ್ಲಾಟ ಫಾರ್ಮ ಮೇಲಿನ ಜನರ ನೂರೆಂಟು ಗದ್ದಲದಲ್ಲಿ ಈ ಧ್ವನಿಯು ಎದ್ದು ಕೇಳಿಸುತ್ತಿತ್ತು. ಹೋಗುವವರ… Read more…

  • ನಂಟಿನ ಕೊನೆಯ ಬಲ್ಲವರಾರು?

    ಕುಳಿತವನು ಅಲುಗದಂತೆ ತದೇಕ ಚಿತ್ತದಿಂದ ಕಡಲನ್ನು ನೋಡುತ್ತಿದ್ದ. ಹಾಗೇ ಕುಳಿತು ಅರ್ಧಗಂಟೆ ಕಳೆದಿತ್ತು. ಮೊಲದ ಬಾರಿಗೆ ಕಡಲ ಕಂಡವನ ಚಿತ್ತ ಕಲಕುವುದೇಕೆಂದು ಕುಳಿತಲ್ಲೇ ಅವನನ್ನು ಬಿಟ್ಟು ತಿರುಗಾಡಿ… Read more…

  • ಅಮ್ಮ

    ‘ಅಮ್ಮನ್ಗೆ ಯಿಡೀ ರಾತ್ರೆಲ್ಲ ವಾಂತಿ ಭೇದಿ ವುಬ್ಸ ಆಯಾಸ... ಕುತ್ರೂಸಾ... ಬಾಳಾ ಯೆಚ್ಕುಡ್ಮೆಯಾಗಿ ರಾಮ್ಪಾರ್ದ ಡಾಕಿಟ್ರಾತ್ರ ತೋರ್ಸಿದ್ರು ಗುಣಾಗಿಲ್ಲ! ನೀ ಆದಷ್ಟು ಗಡಾನೇ ವೂರ್ಗೆ ಬಾಣ್ಣ...’ ಸೇಕ್ರಿ,… Read more…

  • ಸಂಶೋಧನೆ

    ವೇಣುಗೋಪಾಲನ ಜೀವನ ಬೆಳಗು ರಾತ್ರಿಗಳಂತೆ ಒಂದೇ ಮಾಂತ್ರಿಕತೆಗೆ ಹೊಂದಿಕೊಂಡಿತ್ತು. ಬೆಳಿಗ್ಗೆ ಏಳುವುದು ನೈಸರ್ಗಿಕ ವಿಧಿಗಳಿಂದ ಮುಕ್ತನಾಗಿ ಕಾಫಿ ಕುಡಿಯುತ್ತಾ ಅಂದಿನ ದಿನಪತ್ರಿಕೆ ಓದುವುದು, ಓದಿದ್ದರ ಬಗ್ಗೆ ಚಿಂತಿಸುತ್ತಾ… Read more…

cheap jordans|wholesale air max|wholesale jordans|wholesale jewelry|wholesale jerseys