ಕನ್ನಡ ನಲ್ಬರಹ ತಾಣ
-೧-
ಸಮುದ್ರ ಅಬ್ಬರಿಸುತ್ತಿದೆ
ಮನಸಿನಂತೆ
ದಂಡೆಗೆ ತಿಳಿದಿದೆ ತಳಮಳ
ನನ್ನವರಿಗೆ?
-೨-
ದಂಡೆಯ ಭಾಷೆ
ಪ್ರೇಮ
ಇಲ್ಲಿ ನಡೆದವರಿಗೆ
ದಂಡೆ ಅರ್ಥವಾಗಿಲ್ಲ
ಕಡಲ ಧ್ವನಿ …..ಕೂಡಾ
-೩-
ದಂಡೆಯಲ್ಲಿ
ಅವರು ಆಗಿನಿಂದಲೂ
ತರ್ಕಿಸುತ್ತಿದ್ದಾರೆ
ಅನುಸಂಧಾನ ಆಗುತ್ತಲೇ ಇಲ್ಲ
ಅಲ್ಲೇ ….ಪಕ್ಕದ
ಮುರಿದ ಹಡಗಿನ ಮೇಲೆ
ಕುಳಿತ ಎರಡು ಹಕ್ಕಿಗಳು
ಮುಸಿ ಮುಸಿ ನಕ್ಕವು
-೪-
ದಂಡೆಯಲ್ಲಿ
ಒಬ್ಬನೇ ಅಲೆಯುತ್ತಿದ್ದೇನೆ
ಗಾಳಿಗೂ
ಕನಿಕರ ಬಂದಿದೆ
ಕಡಲ ಅಲೆ
ಪಾದ ತೊಳೆಯುತ್ತಿದೆ
ಎಲ್ಲಿ ಹೋದೆ ನೀನು?
-೫-
ಕಾಯುತ್ತಲೇ ಇರುತ್ತೇನೆ
ದಂಡೆ ಕಡಲು ಇರುವವರೆಗೆ
ನೀನು ಬರುವ
ಭರವಸೆಯೊಂದಿಗೆ
ಸರಲಾಕ್ಷ ಹುಲಿಮೀಸೆಯು ಮನೆಯಲ್ಲಿ ಬಂದಿರಲಾರಂಭಿಸಿದಂದಿನಿಂದ ತಾನು ತೊಂದರೆಗೊಂಡು ಬೇಸತ್ತು ಹೋಗಿರುವೆನೆಂದು ವಸತಿಗೃಹದ ಸ್ವಾಮಿನಿಯಾದ ಲೀಲಾಬಾಯಿಯು ದೂರಿಕೊಳ್ಳುತ್ತಿದ್ದಳು. “ಕೆಟ್ಟ ಮೋರೆಯವರೂ ಅಸಭ್ಯರೂ ಸುಟ್ಟಮನೆಯವರೂ ಸುಡದ ಮನೆಯವರೂ ತೆರವಿಲ್ಲದೆ ನನ್ನ ಮನೆಗೆ ಬರುತ್ತಿರುವ...
ಸರ್, ಗುಡ್ ಮಾರ್ನಿಂಗ್, ಮೇ ಐ ಕಮೀನ್ ಸರ್ – ನಿತ್ಯ ಆಫೀಸಿನ ಅವಧಿ ಪ್ರಾರಂಭವಾಗುತ್ತಲೇ ಹಿಂದಿನ ದಿನ ರೆಡಿ ಮಾಡಿದ ಹತ್ತಾರು ಕಾಗದ ಪತ್ರಗಳಿಗೆ ಸಹಿ ಪಡೆಯಲು, ಇಲ್ಲವೇ ಹಿಂದಿನ ದಿನದ ಎಲ್ಲ ಫೈಲುಗಳ ಚೆಕ್ ಮಾಡಿಸಲು, ಕೈಯಲ್ಲಿ ಫೈಲುಗಳ ಕಟ್ಟು ಹಿಡಿದು ಬಾಗಿಲ ಮರೆಯಲ್ಲಿ ನಿಂತು ...
ಕೋತಿಯಿಂದ ನಿಮಗಿನ್ನೆಂಥಾ ಭಾಗ್ಯ! ನೀವು ಹೇಳುವ ಮಾತು ಸರಿ! ಬಿಡಿ! ತುಂಗಮ್ಮನವರೆ. ಇದೇನೆಂತ ಹೇಳುವಿರಿ! ಯಾರಾದರೂ ನಂಬುವ ಮಾತೇನರೀ! ಕೊತೀಂತೀರಿ. ಬಹುಲಕ್ಷಣವಾಗಿತ್ತಿರಿ ಎಂತೀರಿ? ಅದು ಹೇಗೋ ಎನೋ, ನಾನಂತೂ ನಂಬಲಾರನರೀ!” “ಹೀಗೆಂತ ನೆರ ಮನೆ ಪುಟ್ಟಮ್ಮನವರು ಹೇಳಿದರು....
ಕೀಲಿಕರಣ: ಹರಪನಹಳ್ಳಿ ನಾಗರಾಜ್
