ಏನೋ ನರಸಿಂಹಣ್ಣ
ಏನೋ ಮರಿ ಭೀಮಣ್ಣ
ಯಾಕೆ ಹೀಗೆ ಅಳುತೀಯೋ
ಹೇಳೋ ನಮ್ಮನೆ ಕಾಮಣ್ಣ
ಅರಳೀ ಚಿಗುರಿನ ಎಳೆಮುಖವು
ಕೆರಳಿ ಕೆಂಪಾಗಿದೆಯಲ್ಲೋ
ಕುಲು ಕುಲು ಗುಲು ಗುಲು ನಗೆದನಿಯು
ಬಿರುಮಳೆ ಸಿಡಿಲಾಗಿದೆಯಲ್ಲೋ!
ಬಿಳಿಮೊಲದಂಥ ಎಳೆಕಂದ
ಹುಲಿಮರಿಯಂತೆ ಆಡ್ತೀಯ,
ಹಟ ಹಿಡಿದರೆ ನೀ ಮುಗಿದ್ಹೋಯ್ತು
ಉಸಿರೇ ಕಟ್ಟಿಸಿಬಿಡ್ತೀಯ!
ತೂಗೀ ತೂಗೀ ಸಾಕಾಯ್ತು
ಎರಡೂ ತೋಳು ಬಿದ್ಹೋಯ್ತು
ಮನೆಗೆಲಸಕ್ಕೆ ಇಡೀ ದಿನ
ರಜಾಚೀಟಿಯ ಬರೆದಾಯ್ತು
ಪ್ರಸನ್ನನಾಗೋ ಹುಲಿಯಣ್ಣ
ಗುಡುಗು ಸಿಡಿಲು ನಿಲಿಸಣ್ಣ,
ಹೂ ಬಿಸಿಲಂಥ ನಗೆಯೊಂದ
ಮುಖದಲಿ ಹರಡೋ ಸೂರ್ಯಣ್ಣ.
*****
ಚಿತ್ರ: ಆಮಿ ಮೊದಲ ರಾತ್ರಿಯ ಉನ್ಮಾದದಲ್ಲಿದ್ದ ಮಧುವಿನ ಕಿವಿ ಹಿಂಡಿ ಅವಳಂದಳು. ‘ಮಧು, ಇಂದಿನಿಂದ ನಾವು ಗಂಡ - ಹೆಂಡತಿಯಾಗಿರುವುದು ಬೇಡ. ಬದುಕಿನ ಕೊನೆ ತನಕವೂ ಗೆಳೆಯ… Read more…
ಇತ್ತೀಚೆಗೆ ಅವಳೇಕೋ ತುಂಬಾ ಕಾಡುತ್ತಿದ್ದಾಳೆ- ಮೂವತ್ತು ವರ್ಷಗಳೇ ಸಂದರೂ ಮರೆಯಾಗಿಲ್ಲ ಜೀವನದಲ್ಲಿ ಅದೆಷ್ಟೋ ನಡೆಯಬಾರದ ಅಥವಾ ನಡೆಯಲೇಬೇಕಾದ ಅನೇಕ ಘಟನೆಗಳು ನಡೆದು ಹೋಗಿವೆ. ದೈಹಿಕವಾಗಿ, ಮಾನಸಿಕವಾಗಿ, ವ್ಯಾವಹಾರಿಕವಾಗಿ,… Read more…
ಇದು ಎರಡು ಪರಿವಾರದ ಕತೆ. ಒಂದು ಹಕ್ಕಿ ಪರಿವಾರ, ಇನ್ನೊಂದು ಮನುಷ್ಯ ಪರಿವಾರದ್ದು. ಒಂದು ಸುಂದರ ತೋಟ; ವಿಧವಿಧದ ಗಿಡ ಮರಗಳು; ಅವುಗಳ ಕವಲು ಬಿಟ್ಟ ರೆಂಬೆಗಳಲ್ಲಿ… Read more…
ಮಾತಿನ ತೆರೆ ಒಂದು "ನೋಡಿ, ಜನರು ನನ್ನನ್ನು ನೋಡಿ ನಗುತ್ತಾರೆ! ಈ ಬಂಗಾರದ ಕೃಷ್ಣನ ಮೂರ್ತಿ ಇವಳ ಕೈಯಲ್ಲಿ ಯಾವಾಗಲೂ ಏಕೆ ಎಂದು ಕೇಳುತ್ತಾರೆ! ನನ್ನ ಹತ್ತರ… Read more…
ಸುಂದರರಾಜ್ ಬೆಂಗಳೂರಿನಲ್ಲಿಯೇ ಹುಟ್ಟಿಬೆಳೆದವನು. ಹಾಗಾಗಿ ಅವನು ಕನ್ನಡ ಮಾಧ್ಯಮದಲ್ಲಿಯೇ ವಿಧ್ಯಾಭ್ಯಾಸ ಮಾಡಿ ಮುಂದೆ ಕಾಲೇಜಿನ ದಿನಗಳಲ್ಲಿ ಇಂಗ್ಲೀಷ್ ಮಾಧ್ಯಮದಲ್ಲಿ ಓದಿದ್ದ. ತನ್ನ ಮಾತೃ ಭಾಷೆಯಾದ ತಮಿಳು ಸಾಧಾರಣವಾಗಿ… Read more…
