ಏನೋ ನರಸಿಂಹಣ್ಣ
ಏನೋ ಮರಿ ಭೀಮಣ್ಣ
ಯಾಕೆ ಹೀಗೆ ಅಳುತೀಯೋ
ಹೇಳೋ ನಮ್ಮನೆ ಕಾಮಣ್ಣ
ಅರಳೀ ಚಿಗುರಿನ ಎಳೆಮುಖವು
ಕೆರಳಿ ಕೆಂಪಾಗಿದೆಯಲ್ಲೋ
ಕುಲು ಕುಲು ಗುಲು ಗುಲು ನಗೆದನಿಯು
ಬಿರುಮಳೆ ಸಿಡಿಲಾಗಿದೆಯಲ್ಲೋ!
ಬಿಳಿಮೊಲದಂಥ ಎಳೆಕಂದ
ಹುಲಿಮರಿಯಂತೆ ಆಡ್ತೀಯ,
ಹಟ ಹಿಡಿದರೆ ನೀ ಮುಗಿದ್ಹೋಯ್ತು
ಉಸಿರೇ ಕಟ್ಟಿಸಿಬಿಡ್ತೀಯ!
ತೂಗೀ ತೂಗೀ ಸಾಕಾಯ್ತು
ಎರಡೂ ತೋಳು ಬಿದ್ಹೋಯ್ತು
ಮನೆಗೆಲಸಕ್ಕೆ ಇಡೀ ದಿನ
ರಜಾಚೀಟಿಯ ಬರೆದಾಯ್ತು
ಪ್ರಸನ್ನನಾಗೋ ಹುಲಿಯಣ್ಣ
ಗುಡುಗು ಸಿಡಿಲು ನಿಲಿಸಣ್ಣ,
ಹೂ ಬಿಸಿಲಂಥ ನಗೆಯೊಂದ
ಮುಖದಲಿ ಹರಡೋ ಸೂರ್ಯಣ್ಣ.
*****
"ಸಾವಿತ್ರಿ, ಇದು ಏನು? ನನ್ನಾಣೆಯಾಗಿದೆ. ಹೀಗೆ ಮಾಡಬೇಡ! ಇದು ಒಳ್ಳೆಯದಲ್ಲ. ಬಿಡು, ಬಿಡು...! ನಾಲ್ಕು ಜನ ನೋಡಿದರೆ ಏನು ಅಂದಾರು?" ಅನ್ನಲಿ ಏನೇ ಅನ್ನಲಿ ನಾನು ಯಾವ… Read more…
ಶ್ರೀ ಸರಸ್ವತಿ ಕಾಲೇಜಿನ ಪಾಠಪ್ರವಚನಗಳ ಬಗ್ಗೆ ಎರಡನೆ ಮಾತಿಲ್ಲ. ಅತ್ಯಂತ ಉತ್ತಮ ಗುಣಮಟ್ಟದ ಶಿಕ್ಷಣ ವಿದ್ಯಾರ್ಥಿಗಳಿಗೆ ದೊರಕುತ್ತಿತ್ತು. ಆದರೆ ಈ ಕಾಲೇಜಿನ ವಿಶೇಷವೆಂದರೆ ವಿದ್ಯಾರ್ಥಿಗಳ ಮತ್ತು ಉಪನ್ಯಾಸಕರ… Read more…
ಭಾಗೀರಥಿ ತೀರದಲ್ಲಿರುವದೊಂದು ಅತಿ ರಮಣೀಯವಾಗಿರುವ ಪ್ರದೇಶದಲ್ಲಿ ಕುಸುಮಪುರವೆಂಬ ಚಿಕ್ಕಿದಾದ ನಗರವಿತ್ತು. ಭೂಮಿಯ ಗುಣಕ್ಕಾಗಿ ಆ ಪ್ರದೇಶದಲ್ಲಿ ಬೆಳೆಯುವ ಬಕುಲ, ಚಂಪಕ, ಮಾಲತಿ, ಪುನ್ನಾಗ, ಗುಲಾಬೆ, ಸೇವಂತಿ ಮುಂತಾದ… Read more…
ಆಗ್ಲೇ ವಾಟು ವಾಲಿತ್ತು. ಯೆಷ್ಟು ವಾಟು ವಾಲ್ದ್ರೇನು? ಬಳ್ಳಾರಿ ಬಿಸ್ಲೆಂದ್ರೆ ಕೇಳ್ಬೇಕೇ? ನಡೆವ... ದಾರ್ಗೆ ಕೆಂಡ ಸುರ್ದಂಗೆ. ನೆಲಂಭೋ ನೆಲಾ... ಝಣ ಝಣ. ‘ಅಲ್ಗೆ’ ಕಾದಂಗೆ. ಕಾಲಿಟ್ರೆ… Read more…
ಎಂಬತ್ತುನಾಲ್ಕು ವರ್ಷದ ನಿವೃತ್ತ ಡಾಕ್ಟರ್ ಶ್ಯಾಮರಾಯರಿಗೆ ೩೮ ವರ್ಷದ ಗೌರಮ್ಮನನ್ನು ಮದುವೆಯಾದಾಗ ಅದು ವೃತ್ತಪತ್ರಿಕೆಗಳಲ್ಲಿ ದೊಡ್ಡ ಅಕ್ಷರಗಳಲ್ಲಿ ಬಂದು ಒಂದು ರೀತಿಯ ಆಶ್ಚರ್ಯ, ಕೋಲಾಹಲ ಎಬ್ಬಿಸಿತ್ತು. ಡಾ.… Read more…
