ಕನ್ನಡ ನಲ್ಬರಹ ತಾಣ
ಎಲ್ಲಿ ಹಾರಿತು ನನ್ನ ಮುದ್ದು ಹಕ್ಕಿ
ಎಲ್ಲಿ ಕೂಗುತಲಿದೆಯೊ ವ್ಯಥೆಗೆ ಸಿಕ್ಕಿ?
ಕಣ್ಣು ತಪ್ಪಿಸಿ ಹಾರಿ
ಬೇಲಿ ಸಾಲನು ಮೀರಿ
ಅಡವಿ ಪಾಲಾಯಿತೋ ದಾರಿ ತಪ್ಪಿ!
ಮನೆಯ ಕಾಳನು ತಿಂದು ಬೇಸರಾಗಿ
ವನದ ತೆನೆಯನು ತಿನುವ ಚಪಲ ರೇಗಿ
ಹೊಸ ಸಂಗ ಬೇಕೆನಿಸಿ ಹಾರಿತೇನೋ?
ಹಳೆಯ ಪರಿಚಯ ಬೇಸರಾಯಿತೇನೋ?
ತಾನಾಗಿ ಬಂತು ಇದು ಹೇಗೊ ಮನೆಗೆ
ಸಾಕಿದೆನು ಉಣಿಸಿಟ್ಟು ಅಪ್ಪಿ ಎದೆಗೆ
ಮಾತ ಕಲಿಸಿದೆ, ಈಗ ರೆಕ್ಕೆ ಬಲಿತು
ಹಾರಿತೆಲ್ಲೋ ಹೊರಗೆ ನನ್ನ ಮರೆತು.
ಎಲ್ಲಾದರೂ ಇರಲಿ ತನ್ನ ರೀತಿ,
ನಡುವೆ ನೆನಪಾದೀತು ಹಳೆಯ ಪ್ರೀತಿ.
ನೋಯದಿರಲೆಂದೂ ತಾ ತಪ್ಪಿದುದಕೆ
ಒಗ್ಗಿಕೊಳುವುದೆ ನೀತಿ ಒಪ್ಪಿದುದಕೆ!
*****
“ವತ್ಸಲಾ……..!” ನಿಟ್ಟುಸುರಿನೊಂದಿಗೆ ಕುಮಾರನು ಆರಾಮ ಕುರ್ಚಿಯ ಮೇಲೆ ದೊಪ್ಪನೆ ಬಿದ್ದು ಕೊಂಡನು. ಚಿಕ್ಕಬಾಲಕನೊಬ್ಬನು ಕಿಡಿಕಿಯಲ್ಲಿ ಹಣಿಕಿ ಹಾಕಿ “ಕುಮಾರಣ್ಣ” ಎಂದು ಕೂಗಿದಂತಾಯಿತು. ಎದ್ದು ನೋಡುತ್ತಾನೆ; ಕೆಂಪು ಮಸಿಯಿಂದ ವಿಳಾಸ ಬರೆದ...
ಸಿಗರೆಟ್ನ್ನು ಕೊನೆಯ ಸಲ ಎಳೆದು ಬದಿಗಿದ್ದ ಅಶ್ಟ್ರೆಯಲ್ಲಿ ಹಾಕಿದ. ಮೂರು ದಿನಗಳಿಂದ ಹೇಳಲಾಗದಂತಹ ಯಾತನೆ ಅವನನ್ನು ಹಿಂತಿಸುತ್ತಿದೆ. ಇದ್ದಿದ್ದು ಮಿತ್ರನ ಮಾತುಗಳು ಬಂದು ಕಿವಿಗೆ ಅಪ್ಪಳಿಸಿ ಎತ್ತ ನೋಡಿದರೂ ಅವನದೆ ಮುಖ ಕಾಣುತ್ತಿದೆ. “ನಾ ಹೇಳುವದನ್ನು ಅರ್ಥಮಾಡಿ ಕೊಳ್ಳು...
