ಗೋರಿಗಳಿಗೆ ಜಾಗವಿಲ್ಲವೆಂದಲ್ಲ
ನೋವು ರೋಗರುಜಿನಗಳಿಗೆಲ್ಲ
ಹಡಗು ತುಂಬಿದ ಔಷಧಿ ತೇಲುವುದು
ಯುದ್ಧ ಭಯಂಕರ
ಹಾಸಿಹೊದ್ದ ಇರಾಕದ
ಮರುಭೂಮಿಯ ಮೇಲೆ
ಬುಷ್‌ನ ಬೂಟು ಸದ್ದು
ಸದ್ದಾಮನ ಗುಡುಗು ಮಿಂಚು
ಬುಷ್‌ನ ಲೇಸರ್ ಕಣ್ಣೊಳಗೆ
ಸದ್ದಾಮನ ಸದ್ದಡಗಿಸುವ ಹೊಳಪು
ಯುದ್ಧದ ಕಾರ್ಮೋಡುಗಳು
ಎಲ್ಲೋ ನುಗ್ಗುತ ಹಿಗ್ಗುತ
ತಮ್ಮೆದೆಯ ಭಿತ್ತಿಯೊಳು
ಏನೆಲ್ಲ ಅಚ್ಚುಹಾಕುವ ಚಡಪಡಿಕೆ.
ಬಾಗ್ದಾರ್ ಬಾಸ್ರಾದ ತುಂಬೆಲ್ಲ
ಹೆಣಗಳ ರಾಶಿ ತೈಲಬಾವಿಗಳ ಬೆಂಕಿ
ಆಕಾಶವೇ ಛಿದ್ರಿಸಿ ನೆಲನಡುಗಿಸುವ
ನೀರು ನೆತ್ತರವಾಗಿ
ಗಾಳಿ ಬೆಂಕಿಯಾಗಿ
ಮಾತೆಲ್ಲ ಚಿತ್ಕಾರ
ಅನಾಥರ ಎದೆ ಕಣ್ಣುಗಳ ಆಕ್ರಂದನಕೆ
ಮತ್ತೆ ಮತ್ತೆ ಬಾಂಬು ಗುಂಡು
ಬಂಕರ್ ಕಳಚಿಬೀಳುವ ಸದ್ದು
ಎದೆಗುಂಡಿಗೆ ಒಡೆದು
ಎದುರಾಗುವ ದುರಾದೃಷ್ಟ.
*****
ಪುಸ್ತಕ: ಇರುವಿಕೆ
