ಕನ್ನಡ ನಲ್ಬರಹ ತಾಣ
ಹಡೆದಪ್ಪ ಪಡೆದಪ್ಪ ಪಟ್ಟದ ಮಠದಪ್ಪ
ಅಪ್ಪನಽ ಮಠ ನೋಡಿದೆ
ಮಠದ ಮ್ಯಾಲಿನ ಮಠವು ಘಟದ ಮ್ಯಾಲಿನ ಘಟವು
ದಿಟಪುಟ ಮಠ ನೋಡಿದೆ
ಹೊಟ್ಟಿ ತುಂಬಾ ಉಂಡ ಗಟ್ಟಿ ಅಮೃತ ಲಿಂಗ
ಮಠಸಾಮಿ ನಾ ನೋಡಿದೆ
ಲಂಡ ಭಂಡರ ಹಿಡಿದು ಬೆತ್ತ ಬೀಸಿದ ಅಪ್ಪ
ಗುರುಸ್ವಾಮಿ ನಾ ನೋಡಿದೆ
ಗಡಿಗಿ ಮಡಿಕಿಯ ಒಟ್ಟಿ ಫಡಫಡ್ಡ ಒಡೆದಂತ
ದೊಡ್ಡ ಅಪ್ಪನ ನೋಡಿದೆ
ಚರ್ಮ ದೇಹವ ಹಿಡಿದು ಚರಚರ ಚರ ಸುಲಿದ
ಧರ್ಮ ದೇವರ ನೋಡಿದೆ
ಎಲುಬು ಲಟಲಟ ಮುರಿದು ನರವ ತಂತಿಯ ಗೈದ
ಓಂಕಾರ್ನಾದವ ಕೇಳಿದೆ
ಅತ್ತ ಹೋದರು ಬೆಂಕಿ ಇತ್ತ ಬಂದರು ಬೆಂಕಿ
ಜ್ಞಾನ ಬೆಂಕಿಗೆ ಹಾರಿದೆ
*****
ಅವಳು ಯಾವ ಹುಡುಗರ ಜೊತ ನಿಂತು ಮಾತನಾಡಿದರೂ ಶ್ರೀಕಾಂತನಪಾಲಿಗೆ ಆ ಹುಡುಗರು ವಿಲನ್ಗಳಂತೆಯೇ ಭಾಸವಾಗುತ್ತಿದ್ದರು. ಅವಳು ತನ್ನ ಕಾಲೇಜಿನ ಲೆಕ್ಚರರ್ಗಳು ಪಾಠ ಮಾಡುವ ವೈಖರಿ ಸ್ಟೈಲು ಹೈಲುಗಳ ಕುರಿತು ಬಣ್ಣಿಸುವಾಗಲೂ ಕೇಳಲಾಗದೆ ಶ್ರೀಯ ಹೊಟ್ಟೆಯಲೆಲ್ಲಾ ತಳಮಳ. ಅಷ್ಟೇಕೆ ಅವಳು ತನ್ನ ತ...
೧ ಗೌರಿಯ ಹಬ್ಬವು ಕಳೆದು ಕೆಲವು ದಿನಗಳಾಗಿದ್ದುವು. ಭಾಗೀರಥಮ್ಮನೂ ಅವಳ ಜೊತೆಯ ಹುಡುಗಿಯರೂ ಒಂದೊಂದು ದಿನವನ್ನು ಕಳೆಯುವುದೂ ಒಂದೊಂದು ಯುಗವನ್ನು ಕಳೆದಂತೆ ಕಷ್ಟವಾಗಿದ್ದಿತು. ಅವರು ಎಷ್ಟು ಕುತೂಹಲದಿಂದ ಬಯಸಿದರೂ ದಿನಗಳು ಬೇಗ ಬೇಗ ಉರುಳಲೊಲ್ಲವು. ಒಂದು ದಿನ ಅವರೆಲ್ಲರೂ ಸೇರಿ ಕವಡೆಯ...
