ಮಾನವ ಶರೀರವೇ ನಮಗೊಂದವಕಾಶ
ಪರಮಾತ್ಮನ ಕಾಣಲು ಆಗಲಿ ಸಾಟಿ
ಭಗ್ನ ಮನಸ್ಸು, ಭಗ್ನ ಬುದ್ಧಿ ಭ್ರಮೆಗಳು
ನಿನ್ನೊಂದಿಗೆ ಮಾಡುತಿಹವು ನಿತ್ಯ ಪೈ ಪೋಟಿ
ಪರಶಿವ ನಮಗೆಷ್ಟು ಇಹನು ಅಂತರದಲಿ
ಅದುವೆ ಆತ್ಮ ನಮಗಿರುವಷ್ಟು ದೂರ
ನಮ್ ಜನುಮ ಉದ್ದರಿಸಲು ನಾವಾಗಬೇಕು
ನಮಗೆ ಮುಕ್ತಿ ನೀಡಲು ಹೆರವರ್‍ಯಾರು
ಗುರು ನಮ್ಮತಿದ್ದವನು ಹರನಾಗಲು
ಆತನ ಹಿಂಬಾಲಿಸಬೇಕು ತನು ಮನದಿ
ನಾವು ಮಾಡಬೇಕು ಕೈ ತೊಳೆದು ಕರ್‍ಮ
ಮಾಡಬೇಕು ನಿತ್ಯ ಮನಬಿಚ್ಚಿ ಧರ್‍ಮ
ಮಾತಿನಲಿ ತುಂಬಬೇಕು ಭಗವಂತ ಪ್ರೀತಿ
ಮೌನದಲಿ ಮೆರಿಯಬೇಕು ದೇವರ ಕೀರ್‍ತಿ
ಹಗಲಿರುಳು ಪೂಜೆಯು ನಡೆ ನುಡಿಯಲಿ
ಬ್ರಹ್ಮಚರ್‍ಯ ನಿಸ್ವಾರ್‍ಥತೆ ಮನದಲ್ಲಿ ಇರಲಿ
ನಮ್ಮ ಹೆಜ್ಜೆ ಹೆಜ್ಜೆ ಕಾಣಲಿ ನಿರಾಡಂಬರತೆ
ಮನದಲ್ಲಿ ತುಂಬಲಿ ಎಲ್ಲಕ್ಕೂ ಸನಾಸ್ಯತ್ವ
ಯವುದಕ್ಕೂರಬೇಡ ಹಂಬಲ ಚಿತ್ರದಲಿ
ಧ್ಯಾನವಿರಲಿ ಮಾಣಿಕ್ಯ ವಿಠಲನಲಿ
*****
