ಕನ್ನಡ ನಲ್ಬರಹ ತಾಣ
ನಿನ್ನ ಮಿಲನ ಅದೇ ಕವನ
ಶಾಂತಿ ವನದ ಕೂಜನಂ
ನವಿಲು ನಾನೆ ಉಯಿಲು ನೀನೆ
ರಜತರಂಗ ದಿಂಚರಂ ||೧||
ದೂರ ದೂರ ದೂರ ದಾರಿ
ನೂರು ತೀರ ತೀರಿತು
ಮತ್ತೆ ಮತ್ತೆ ಹತ್ತು ನೂರು
ದಾರಿ ತೋರದಾಯಿತು ||೨||
ಕಾಡು ಕಂಟಿ ಕಡಲು ಇತ್ತ
ಹುತ್ತ ಕುತ್ತ ನಾಗರಂ
ಬೆಂಕಿ ಭುಗಿಲು ಹೊಗೆಯು ಅತ್ತ
ಕರುಣ ಮರಣ ತೋರಣಂ ||೩||
ತನನ ತನನ ಮನನ ಮನನ
ಜಲತರಂಗ ಎಲ್ಲಿದೆ
ಹನನ ಹನನ ಹೋಮ ಹವನ
ಧೂಮ ಧೂಳಿ ಇಲ್ಲಿದೆ ||೪||
ಇಗೋ ಶರಣು ಸಕಲ ಶರಣು
ಶಬ್ದ ಮುಗ್ಧ ಅರ್ಪಣಂ
ಆತ್ಮ ದೀಪ ದೇಹ ಧೂಪ
ಆಖಿಲ ನಿಖಿಲ ತರ್ಪಣಂ ||೫||
*****
ಅವಳು ಯಾವ ಹುಡುಗರ ಜೊತ ನಿಂತು ಮಾತನಾಡಿದರೂ ಶ್ರೀಕಾಂತನಪಾಲಿಗೆ ಆ ಹುಡುಗರು ವಿಲನ್ಗಳಂತೆಯೇ ಭಾಸವಾಗುತ್ತಿದ್ದರು. ಅವಳು ತನ್ನ ಕಾಲೇಜಿನ ಲೆಕ್ಚರರ್ಗಳು ಪಾಠ ಮಾಡುವ ವೈಖರಿ ಸ್ಟೈಲು ಹೈಲುಗಳ ಕುರಿತು ಬಣ್ಣಿಸುವಾಗಲೂ ಕೇಳಲಾಗದೆ ಶ್ರೀಯ ಹೊಟ್ಟೆಯಲೆಲ್ಲಾ ತಳಮಳ. ಅಷ್ಟೇಕೆ ಅವಳು ತನ್ನ ತ...
೧ ಗೌರಿಯ ಹಬ್ಬವು ಕಳೆದು ಕೆಲವು ದಿನಗಳಾಗಿದ್ದುವು. ಭಾಗೀರಥಮ್ಮನೂ ಅವಳ ಜೊತೆಯ ಹುಡುಗಿಯರೂ ಒಂದೊಂದು ದಿನವನ್ನು ಕಳೆಯುವುದೂ ಒಂದೊಂದು ಯುಗವನ್ನು ಕಳೆದಂತೆ ಕಷ್ಟವಾಗಿದ್ದಿತು. ಅವರು ಎಷ್ಟು ಕುತೂಹಲದಿಂದ ಬಯಸಿದರೂ ದಿನಗಳು ಬೇಗ ಬೇಗ ಉರುಳಲೊಲ್ಲವು. ಒಂದು ದಿನ ಅವರೆಲ್ಲರೂ ಸೇರಿ ಕವಡೆಯ...
