ಕನ್ನಡ ನಲ್ಬರಹ ತಾಣ
ಬರುವುದೊಮ್ಮೆ ಬರುವುದು
ಬಾರದೆಂದು ಬಾರದು
ಬರುವ ಬಿಡುವ ಭೂತಕಾಗಿ
ಇಂದು ಭಯವದೇಕದು?
ಗೈವ ಗೈಮೆ ಸಾಗಲಿ
ಮೈ ಮನವ ತುಂಬಲಿ
ಸಾವು ಬದುಕು ನೋವು ನೂರು
ಹಾರಿ ಬರಲು ನಗುತಿರು!
ಕರಿದು ಮೋಡ ಹೊಳೆವುದು
ಬರಿದು ಕೈ ತೀವುದು
ಸಿರಿಯು ಕಣ್ಣ ಮುಚ್ಚಿ ತಾನೆ
ಎಲ್ಲೊ ಎತ್ತೊ ನಡೆವುದು
ಇಳೆಗೆ ಮೇರು ಬರಲಿದೆ
ಬೆಳೆಯ ತುಂಬ ತರಲಿದೆ
ಜಳಕವಾಗ ಗಂಗೆಯಲ್ಲಿ
ಜನರು ಜನರ ಸ್ವರ್ಗದಲ್ಲಿ
* * *
ನಲಿದು ಕುಣಿದು ದಣಿವರು
ಒಲಿದು ಉಲಿದು ತಣಿವರು
ಇದೇ ಬೇಕು ಇಂದಿಗೆ
ಎಲ್ಲ ದುಡಿವ ಮಂದಿಗೆ
*****
ಬೆಂಗಳೂರು : ೧೯೪೪
ಬೆಳಗ್ಗಿನ ಜಾವ, ಬೆಟ್ಟದ ಮೇಲಿನ ತನ್ನ ಕುಟೀರದ ವರಾಂಡದಲ್ಲಿ ಮಲಗಿದ್ದ ಮುದುಕನಿಗೆ ಎಚ್ಚರವಾಯಿತು. ಸುಮಾರು ಆರು ಅಂಗುಲ ಉದ್ದದ, ಅಲ್ಲಲ್ಲಿ ಹಳದಿ ಬಣ್ಣಕ್ಕೆ ತಿರುಗಿದ ತನ್ನ ಬಿಳಿ ದಾಡಿಯ ರಾಶಿಯ ಮಧ್ಯೆ ತನ್ನ ಎಡಕೈಯ ಬೆರಳುಗಳನ್ನು ತೂರಿಸಿಕೊಂಡು, ಸಿಕ್ಕು ಬಿಡಿಸುತ್ತಾ ಸೂರನ್ನು ದಿಟ್...
ಭಾಗ ೧ ಒಂದು ಯುನಿವರ್ಸಿಟೀನಲ್ಲಿ ಆಧ್ಯಾಪಕನಾಗಿರುವ ನಾನು ಕ್ಯಾಂಪಸ್ ಆವರಣದೊಳಗೇ ಇರುವ ಫ್ಲಾಟೊಂದರಲ್ಲಿ ಹೆಂಡತಿ ಮಕ್ಕಳ ಜತೆ ಮನೆ ಮಾಡಿಕೊಂಡಿದ್ದೇನೆ. ಮನೆ ಮತ್ತು ಆಫೀಸಿಗೆ ಹೆಚ್ಚೇನೂ ದೂರವಿಲ್ಲದ ಕಾರಣ ವಾಹನಗಳಿಗೆ ವೃಥಾ ಕಾಸು ಖರ್ಚು ಮಾಡಬೇಕಾದುದಿಲ್ಲ. ಮಧ್ಯಾಹ್ನ ಲಂಚಿಗೆ ಕೂಡ ಮನ...
