ಕಲ್ಪ ಕಲ್ಪಾಂತರದ ಕಲ್ಪನಾ ಸರಸಿಯಲಿ
ಸುಂದರ ಸುನೀಲಾಭ್ರ ಶುಭ್ರಮಾರ್ಗದಿ ತೇಲಿ
ಎಂದೆಂದಿಗೂ ಚೆಂದ ಬಂಧುರ ಸುಹಾಸದಲಿ
ಕಲ್ಪವೃಕ್ಷದ ಚಿಗುರ ಚೆಂಬಣ್ಣದೊಗರಿನಲಿ
ನಲಿದು ನರ್ತಿಸಿ ನಕ್ಕು ನವಸುವರ್ಣವ ಹೋಲಿ
ನಲುಮೆಯೊಲುಮೆಯ ಜಲದ ಲೀಲಾತರಂಗದಲಿ
ಚೆಲುವು ಮಲಗಿದ ನವ್ಯ ಕೋಮಲ ಸುಶೆಯ್ಯೆಯಲಿ
ಒಲಿದೊಲಿದು ತಲೆದೂಗಿ ಸೋಗಿನುಯ್ಯಾಲೆಯಲಿ
ಧೃವ ದಂಚುಗಳ ಮೀರಿ, ಕಂಡು ಕಾಣದೆ ಹಾರಿ
ಹೆದಿನಾಲ್ಕು ಲೋಕಗಳ ಹದನಾವುದೆಂದರಿತು
ಮುದದಿ ಮುನ್ನಾಸೆಗಳ ಮುನ್ನೂಕಿ ಮನಸೋತು
ಸವೆ ಸವೆದು ಸಣ್ಣಾಗಿ ಮಣ್ಣಿನಲಿ ಕೈಯೂರಿ
ಬಗೆದು ಬತಿಂದೊ ಭಾಗ್ಯನಿಧಿ ಮರಳಿ ಮಾಯದಲೆ
ಜಗದಾದಿ ಯುಗದಾದಿ ಈ “ಯುಗಾದಿ”ಯ ಮಾಲೆ
*****
ಬೆಂಗಳೂರು : ೧೯೪೩
