ಕೇವಲ ನೆನಪು

ನೀನು ಮಾಡಬೇಕಾದದ್ದು ನೋಡಬೇಕಾದದ್ದು
ಇನ್ನೂ ಬಹಳವಿತ್ತು
ಯಾಕೆ ಹೋದೆ ?

ನಂಬಲೂ ಕಷ್ಟ
ಮಲಗಿದೆಯಂತೆ ತುಸು ತುಸು
ಮುಲುಗಿದೆಯಂತೆ
ಮೈ ಬಿಸಿ ಏರುತ್ತ ಇಳಿಯುತ್ತಾ ಮತ್ತೆ
ಏರುತ್ತ
ಇಳಿದು ಬಿಟ್ಟಿತಂತೆ

ಈಗೀಗ ಪದೇ ಪದೇ ನಿನ್ನ ನೆನಪು
ಅದೇ ರೂಪು ಅದೇ ರೂಹು
ನನ್ನ ಕಾಡುತ್ತವೆ ; ಕುಣಿದಾಡುತ್ತವೆ
ಯಾಕೆ ಹೀಗೆ ?

ಇನ್ನೂ ಹಸಿ ಬದುಕು – ಇನ್ನೂ
ಬಿಸಿ ರಕ್ತ
ನಿನ್ನ ನಗೆ ಮುಗಿದಿರಲಿಲ್ಲ – ಅಲ್ಲ
ಸುರುವೇ ಆಗಿರಲಿಲ್ಲ

ಯಾವನು ಆತ
ಅರಳುವ ಮೊದಲೇ ಹೂ ಕೊಯ್ದವನು
ಎಲ್ಲಾ ಬಿಟ್ಟು ನಿನ್ನೇ ಆಯ್ದವನು

ತೀಡಿದೆ, ತೋಡಿದೆ
ನೆನಪಿನ ಬಾವಿ
ಇಳಿದೆ, ಅಳೆದೆ
ಅಲ್ಲಲ್ಲಿ ಬಂಗಾರ – ಹೊಳೆಯಿತು ವರ್ಣ ಸಿಂಗಾರ

ಅಪೂರ್ಣ ಕತೆಯೇ
ವಿಷಾದ – ನೀನು ಸತ್ತಿದ್ದಕ್ಕೆ
ಕಣ್ಣೀರು – ನಿನ್ನ ನೆನಪಿನ ಸಸಿಗೆ

ಇನ್ನೂ ಸ್ವಲ್ಪ ದಿನ – ಸ್ವಲ್ಪ ವರ್ಷ – ಬಹುಶಃ
ಯಾವಾಗಲೂ
ನೀನು ನೆನಪಾಗುತ್ತೀಯ – ಬರೀ
ನೆನಪಾಗುತ್ತೀಯ

ಕೊನೆಗೊಂದು ಪ್ರಶ್ನೆ :
ಸತ್ತೂ ಬದುಕಿರುವ ನಿನಗೆ
ಶ್ರಾದ್ಧ ಯಾಕೆ ?
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ದೀಪದ ಕಂಬ (ಜೀವನ ಚಿತ್ರ) 1
Next post ಭಿನ್ನ ಭೇದವ ಮಾಡಬ್ಯಾಡಿರಿ (ಬೀದಿ ನಾಟಕದ ಹಾಡು)

ಸಣ್ಣ ಕತೆ

  • ಗುಲ್ಬಾಯಿ

    ನಮ್ಮ ಪರಮಮಿತ್ರರಾದ ಗುಂಡೇರಾವ ಇವರ ನೇತ್ರರೋಗದ ಚಿಕಿತ್ಸೆ ಗಾಗಿ ನಾವು ಮೂವರು ಮಿರ್ಜಿಯಲ್ಲಿರುವ ಡಾಕ್ಟರ ವಾಲ್ನೆಸ್ ಇವರ ಔಷಧಾಲಯಕ್ಕೆ ಬಂದಿದ್ದೆವು. ಗುಂಡೇರಾಯರು ಹಗಲಿರುಳು ಔಷಧಾಲಯದಲ್ಲಿಯೇ ಇರಬೇಕಾಗಿರುವದರಿಂದ ಆ… Read more…

  • ಅವರು ನಮ್ಮವರಲ್ಲ

    ಪೇದೆ ಪ್ರಭಾಕರ ಫೈಲುಗಳನ್ನು ನನ್ನ ಟೇಬಲ್ ಮೇಲೆ ಇಟ್ಟು, ‘ಸರ್ ಸಾಹೇಬರು ನಿಮ್ಮನ್ನು ಕರೆಯುತ್ತಿದ್ದಾರೆ’ ಎಂದು ಹೇಳಿ ಮಾಮೂಲಿನಂತೆ ಹೊರಟು ಹೋದ. ಸಮಯ ನೋಡಿದೆ. ೧೦:೩೦ ಗಂಟೆ.… Read more…

  • ಮಲ್ಲೇಶಿಯ ನಲ್ಲೆಯರು

    ಹೇಮರಡ್ಡಿ ಪ್ರಭುಗಳು ಒಂದು ಊರಿನ ದೇಸಾಯರು. ಆ ಗ್ರಾಮದ ಉತ್ಪನ್ನವು ಆರೇಳು ಸಾವಿರ ರೂಪಾಯಿ ಇರುವದಲ್ಲದೆ ದೇಸಾಯರಿಗೆ ತೋಟ ಪಟ್ಟಿ ಮನೆಯ ಒಕ್ಕಲತನಗಳಿಂದಾದರೂ ಪ್ರಾಪ್ತಿಯು ಚನ್ನಾಗಿತ್ತು. ಅವರೊಂದು… Read more…

  • ತ್ರಿಪಾದ

    ವಿಲಿಯಂ ಜೋನ್ಸ್ ಭಾರತದ ದೇವನಹಳ್ಳಿ ವಿಮಾನ ನಿಲ್ದಾಣದಲ್ಲಿ ಇಳಿದಾಗ, ಅವನ ಮನವನ್ನು ಕಾಡುತ್ತಿದ್ದ ಪ್ರೀತಿ ಅವನ ಹೆಂಡತಿ ಮಕ್ಕಳೊಂದಿಗೆ ಅವನನ್ನು ಅತಿಯಾಗಿ ಹಚ್ಚಿಕೊಂಡಿದ್ದ ಅವನ ಪ್ರೀತಿಯ ನಾಯಿ… Read more…

  • ಉಪ್ಪು

    ಸಂಜೆ ಮೆಸ್ಸಿನಲ್ಲಿ ಚಹಾ ಕುಡಿಯುತ್ತಿದ್ದಾಗ ಎದುರು ಕುಳಿತ ಪ್ರೊಫ಼ೆಸರ್ ಬಾನಲಗಿಯವರು ಕೇಳಿದರು : "ಸ್ಟೈಲಿಸ್ಟಿಕ್ಸ್ ಬಗ್ಗೆ ನಿನ್ನ ಅಭಿಪ್ರಾಯ ಏನು?" ಅವರು ಬಿಸಿಯಾದ ಚಹಾದ ನೀರನ್ನು ಜಾಡಿಯಿಂದ… Read more…