ಧ್ಯಾನ ಮಂದಿರ

ಮಾಘದ ಚಳಿಯಲ್ಲಿ ತನು ನಡು ನಡುಗುತ್ತಿರೆ
ದೀಪನೆ ಬೆಚ್ಚನೆಯ ಉಸಿರು ನೀಡುವಂತೆ
ಕಷ್ಟ ಕಷ್ಟಗಳ ಹೋರಾಟದಲ್ಲಿ ಸೋಲುತಿದೆ
ಹರಿ ನಿನ್ನ ಕೃಪೆಯೊಂದೆ ಗೆಲುವು ತರುವಂತೆ

ಹೆಜ್ಜೆ ಹೆಜ್ಜೆಗೂ ಬಾಳಿನಲ್ಲಿ ಅಪಾಯ
ಆ ಅಪಾಯಗಳಿಗೆ ನೀನೆ ಉಪಾಯ
ನಿನ್ನೊಂದು ಒಲವು ನನ್ನ ಮೇಲಿದ್ದರೆ
ಅದೇ ಎನಗೆ ಸುಖ ನೀಡುವ ರೂಪಾಯ

ನೀ ನಿರದ ಭುವಿ ಬಂಜರಾಗಿರುವಂತೆ
ನೀ ನಿರದ ತಾಣ ಅಂಧಕಾರಮಯ
ನೀ ನಿರದ ಮನವು ಬಚ್ಚಲಾಗಿರುವಂತೆ
ನೀ ನಿರದ ಬದುಕು ಬರೀ ಘೋರಮಯ

ನಿನ್ನ ನೆನಪ ಎನ್ನ ಎದೆಗಾನವಾಗಿರಲಿ
ನಿನ್ನ ರೂಪವೆ ಎನಗೆ ಕಾಪಾಡಿರಲಿ
ನಿನ್ನ ಸನಿಹ ಎನಗೆ ಆನಂದ ಪರಾಕಾಷ್ಠೆ
ನಿನ್ನ ನೆರಳಿನಲಿ ಮಾಣಿಕ್ಯ ವಿಠಲನಾಗಿರಲಿ
*****