ಮನೆ

ನಮ್ಮ ನಡುವಿನ ಮಾತುಗಳೆಲ್ಲಾ
ಮಾತಲ್ಲ ಗೆಳೆಯಾ ಅಲ್ಲಿರುವುದು
ಮೌನದ ಪ್ರತಿಬಿಂಬ, ನದಿಯಲಿ
ತೇಲುವ ದೋಣಿಯ ಗೆಣೆನಾದ
ನೀಲಿ ಆಗಸದ ತೇಲುಚುಕ್ಕಿಗಳ ಬಿಂಬ
ಮೆಲ್ಲಗೆ ಅರಳಿಸುತ್ತದೆ ಸೂರ್ಯಕಾಂತಿ
ಕಣ್ಣಕಾಂತಿ, ತೊಟ್ಟಿಲಲಿ ಮುದ್ದು ಕಂದನ ಕೇಕೆ

ನಮ್ಮ ನಡುವಿನ ಮೌನ ಬರೀ
ಮೌನವಲ್ಲ ಗೆಳೆಯ ಅಲ್ಲಿರುವುದು
ಮಾತಿನ ಬಿಂಬ, ಗೂಡಿನಲಿ ಗುಬ್ಬಚ್ಚಿ ಚಿಲಿಪಿಲಿ,
ಹರಿಯುವ ಮುಂಜಾನೆ ಬೆಳಗು ಫಳಫಳ,
ನದಿಯ ಕಲರವ ಮೆತ್ತಗೆ ತೊಯ್ಯುತ್ತದೆ ಪ್ರೀತಿ
ಎದೆಯ ಸೊನೆಹಾಲು ನನ್ನೊಳಗೆ ನೀ ಸಾಕ್ಷಿ.

ನಮ್ಮ ನಡುವಿನ ಮಾತು ಮೌನ
ಗೂಡು ಮಾಡಿನಲಿ ರಾಗಭೋಗದ
ನೆಂಟು ಈಗ ಅಲ್ಲಿರುವುದು ಬರೀ ಕಲ್ಲುಗೋಡೆಗಳಲ್ಲಾ
ಅದು ಅಲ್ಲಮನೆ ಗುಹೆ
ಚಿಕ್ಕಮಿನುಗಲಿ ಮೋಡತೇಲಿ ನದಿಹರಿದು
ಕಡಲ ಒಡಲ ಸೇರಿದ ಹರವಿನ ದಾಂಪತ್ಯ
ಭವ ಅಂಗೈಯಲಿ ಲಿಂಗವಾಗುವ ಜೀವಭಾವ.

ನಮ್ಮ ನಡುವಿನ ನೇಯ್ಗೆ ಬರೀ
ಬಟ್ಟೆಯಲ್ಲ ಗೆಳೆಯ ರಾಗರಂಗುಗಳು ಸೇರಿ
ಬಚ್ಚಿಟ್ಟ ಬಣ್ಣದ ತುಣುಕುಗಳು ಪ್ರೀತಿ
ವಿಶ್ವಾಸದ ಸೂಜಿದಾರದಲಿ ಪೋಣಿಸಿ
ಒಂದೇ ಜಾಡಿನಲಿ ಹೊಲೆದ ಹಸನಾದ ಕೌದಿ.


Previous post ಲೆಕ್ಕ
Next post ಜೂಜಾಟ

ಸಣ್ಣ ಕತೆ

  • ವ್ಯವಸ್ಥೆ

    ಮಗಳ ಮದುವೆ ಪಿಕ್ಸ್ ಆಗಿದ್ದರಿಂದ ದೊಡ್ಡ ತಲೆ ಭಾರ ಇಳಿದಂತಾಗಿತ್ತು. ಮದುವೆ ಮುಂದಿನ ತಿಂಗಳ ಕೊನೆಯ ವಾರವೆಂದು ದಿನಾಂಕವನ್ನೂ ನಿಗದಿಪಡಿಸಲಾಗಿತ್ತು. ಗಂಡಿನವರ ತರಾತುರಿಗೆ ಒಪ್ಪಲೇಬೇಕಾದ ಪರಿಸ್ಥಿತಿ ನನ್ನದು.… Read more…

  • ಕೆಂಪು ಲುಂಗಿ

    ಬೇಸಿಗೆಯ ರಜೆ ಬಂತೆಂದರೆ ಅಮ್ಮಂದಿರ ಗೋಳು ಬೇಡ; ಮಕ್ಕಳೆಲ್ಲಾ ಮನೆಯಲ್ಲೇ... ಟೀವಿಯ ಎದುರಿಗೆ ಇಲ್ಲವಾದರೆ ಅಂಗಳದ ಸೀಬೆಮರ ಮತ್ತು ಎತ್ತರವಾದ ಕಾಂಪೌಂಡಿನ ಗೋಡೆಗಳ ಮೇಲೆ.... ಯಾರಾದರೂ ಬಿದ್ದರೆ,… Read more…

  • ಕೂನನ ಮಗಳು ಕೆಂಚಿಯೂ….

    ಬೊಮ್ಮನಹಳ್ಳಿ ಸಂತೆಯಿಂದ ದಲ್ಲಾಳಿಗೆ ಸಂಚಾಗಾರ ಎಂದು ನೂರು ರೂಪಾಯಿ ಸೇರಿ ಒಂದು ಸಾವಿರದ ಒಂದುನೂರು ಕೊಟ್ಟು ತಂದ ’ಚೆನ್ನಿ’ಕರುಹಾಕಿ ಮೂರು ತಿಂಗಳಲ್ಲಿ ಕೊಟ್ಟಿಗೆಯೊಳಗೆ ಕಾಲು ಜಾರಿ ಬಿದ್ದದ್ದೆ… Read more…

  • ವಲಯ

    ಅವಳ ಕೈ ಬೆರಳುಗಳು ನನ್ನ ಮುಖದ ಮೇಲೆ ಲಯಬದ್ಧವಾಗಿ ಚಲಿಸುತ್ತಿವೆ. ಕಂಗಳ ಮೇಲೆ ಅದೊಂದು ತರಹ ಮಂಪರು ಮೆತ್ತ-ಮೆತ್ತಗೆ ಹಾರಾಡತೊಡಗುತ್ತಿದೆ! ನಾಳೆ ಹೋಗಬೇಕಾದ ‘ಪಾರ್ಟಿ’ ಗೆ ಈಗಾಗಲೇ… Read more…

  • ಅಹಮ್ ಬ್ರಹ್ಮಾಸ್ಮಿ

    ಬಹುಶಃ ಮೊದಲ ಬಾರಿ ನಾನು ಅವನನ್ನು ನೋಡುತ್ತಿರಬೇಕು. ಅವನು ಅಕಸ್ಮತ್ತಾಗಿ ನನ್ನ ಕಣ್ಣಿಗೆ ಬಿದ್ದನೋ, ಅಲ್ಲಾ ಅವನೇ ನಾನು ಕಾಣುವ ಹಾಗೆ ಎದುರಿಗೆ ಬಂದನೋ ಎಂಬ ವಿಷಯದಲ್ಲಿ… Read more…

cheap jordans|wholesale air max|wholesale jordans|wholesale jewelry|wholesale jerseys